II Krọnikol 1:9 - Edo Bible (E Baibol Ẹdo) Version 1996

⁹ E Nọyaẹnmwa ne Osanobua, mu emwi ne u yan ma erha mwẹ sẹ. U ya mwẹ rriọba emwa ni bun vbenian nẹ, emwa ne a i sẹtin ka zẹ vbene iran ghi bun sẹ.

II Krọnikol 1:9 ပူးပေါင်းရင်းမြစ်များ

Gẹnẹsis 13:16

I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ!

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

I Krọnikol 28:5

Ọ vbe viọ emọ ikpia ni bun mẹ biẹlẹ, vbe uwu iran hia, ọ kevbe zẹ Solomọn ne ọ rriọba Izrẹl ne ọ re otọe arriọba e Nọyaẹnmwa.

Nọmbas 23:10

Uniẹn ivbi Izrẹl ye vbe ikpekhae ne otọ. Iran bun gbe, ẹ i gia ka. Gie ufomwẹ ẹdẹ agbọn mwẹ yevbe ọghe ọkpa vbe emwa Osanobua gun mwẹ wu vbe ọfumwegbe zẹ vbe ọmwa ẹmwata.”

Matiu 25:16

Ọguọmwadia ne a mu enaira arriaisẹn isẹn na keghi wa giẹgiẹ ya ye ọghọe do ẹki, ọ kevbe miẹn enaira arriaisẹn isẹn vbe ere.