II Krọnikol 1:3 - Edo Bible (E Baibol Ẹdo) Version 1996

³ ọ na wẹ ne iran lele irẹn gha rrie owa ugamwẹ ne ọ rre Gibiọn. Iran kegha rrie evba rhunmwuda evba nii ọ re a mu Owa Ukpọn ne a ya rẹn wẹ e Nọyaẹnmwa rre evba, ne Mosis ne ọguọmwadia e Nọyaẹnmwa ru vbe otọ ẹgbo, yi.

II Krọnikol 1:3 ပူးပေါင်းရင်းမြစ်များ

I Ọba 8:4

Avbe Livai keghi ru iyobọ ne iran, iran na dada ẹe ke ẹe kevbe owa ukpọn rẹn, ke ẹe kevbe emwi ne a ya te ẹre hia gha rrie Ọgua Osa.

I Krọnikol 16:39

Sokpan, e Zadọk ne ohẹn kevbe avbe ohẹn ne ihua ẹre kegha re ni yan ugamwẹ e Nọyaẹnmwa vbe he ne a na ga vbe Gibiọn.

I Krọnikol 21:29

Ẹghẹ ne a kha na, Owa Ukpọn ne a ya rẹn wẹ e Nọyaẹnmwa rre evba ne Mosis ru vbe otọe ẹgbo, kevbe aka ne a na giẹn ese, owa ugamwẹ ne a na ga vbe Gibiọn, ọ re iran he ye ye.

II Krọnikol 1:13

Ẹre Solomọn na kpao vbe owa ugamwẹ ne ọ rre Gibiọn rre, ehe ne Owa Ukpọn ne a ya rẹn wẹ e Nọyaẹnmwa rre evba ye, ọ na gha die Jerusalẹm. Evba ọ re ọ na gha kha yan Izrẹl.

Ẹksọdọs 36:8

Iran ni ghi fuẹro sẹ vbe uwu iran nii winna nene iwinna kegha bọ Owa Ukpọn nii. Igbu ukpọn igbe ne a ya eto ovbiohuẹ ne vbukhẹẹ ne a mẹ, ne raghoragho, ne ọ vboro rhan-an, kevbe eto ohuan ne a ye emwi ni zẹ ifuẹn do ona yi.

Ẹksọdọs 40:2

“Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Ẹksọdọs 40:34

Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Levitikọs 1:1

E Nọyaẹnmwa keghi datie Mosis ke uwu Owa Ukpọn e Nọyaẹnmwa rre, ọ na viọ avbe uhi na ne ẹẹn wẹẹ,

Diuteronomi 34:5

Ẹre Mosis ne ọguọmwadia e Nọyaẹnmwa na wu vbe evba vbe otọ Moab zẹ vbene e Nọyaẹnmwa kha re ighẹ ọ gha ye.

Jọsua 9:3

Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,