II Krọnikol 1:2 - Edo Bible (E Baibol Ẹdo) Version 1996

² E Solomọn ne ọba keghi yi iyi ne avbe ekaolotu ni gbearoghe arriaisẹn kevbe arhin iyisẹn, avbe ewọe arriọba hia, avbe ọkaẹgbẹe hia kevbe emwa ni dekẹe hia,

II Krọnikol 1:2 ပူးပေါင်းရင်းမြစ်များ

I Ọba 3:4

Ọ ghi sẹ ẹghẹ ọkpa, ọ na gha rrie Gibiọn ne ọ ya zọ ese rhunmwuda, evba nii ọ re Ogiukpo ne ọ hin usi sẹ gha ye. Ọ ka vbe ya emwi izọese na giẹn uan iyisẹn iyisẹn zọ ese vbe evba nii yi vbe ẹghẹ ne ọ gberra.

I Krọnikol 13:1

E Devid ne ọba ke gu avbe olotu arhin arriaisẹn kevbe iyisẹn zẹ iro.

I Krọnikol 15:12

Ọ keghi tama avbe Livai na wẹẹ, “Wa ọrọre olotu avbe uniẹn avbe Livai, wa họnmwẹ egbe uwa kevbe ọghe Livai ne ihua uwa, ne uwa miẹn ehe na mu Ẹkpẹti Ile ọghe Nọyaẹnmwa Osanobua Izrẹl gha die ehe ne I dọlọyi ye otọ khẹ ọre.

I Krọnikol 15:3

E Devid keghi rhunmwuda ọnii tie ivbi Izrẹl hia gha die Jerusalẹm ne a miẹn ehe na mu Ẹkpẹti Ile gha die ehe ne a dọlọ yi ye otọ khẹ ọre.

I Krọnikol 24:31

Dọmwadẹ ọkaẹgbẹe ghi wẹ ne ọtiọnrẹn ne ọ kotọ ọkpa ya yan uta ya zẹ iwinna ne a gha wa ne iran, zẹ vbene etẹn iran ighẹ avbe ohẹn ni re ivbi uniẹn Errọn ka vbe ru. E Devid ne ọba, e Zadọk, Ahimẹlẹk kevbe avbe ọkaẹgbẹe avbe ẹgbẹe ohẹn kevbe Livai, kegha re osẹe.

I Krọnikol 24:4

A keghi ghae ivbi uniẹn Eliaza ye oka enẹirrọvbugie, a keghi ghae ivbi Itama ye oka erẹnrẹn, ọna kegha ye vberriọ rhunmwuda, ivbi uniẹn Eliaza ọ re avbe ọkaẹgbẹe ni ikpia na bun sẹe.

I Krọnikol 27:1

Eni avbe ekaolotu Izrẹl ọ re ena khin zẹ vbe ọghe ẹgbẹe kevbe uniẹn kevbe emwa ni rre asẹ ni gha ye iwinna arriọba khian. Uki ọkpa ọ re a ya zẹ oka ughughan ne arhin arriaisẹn enẹyan ugie (24,000) ye ne iran gha winna vbe ototọ enọkhaemwisẹ vbe uki nii.

I Krọnikol 28:1

E Devid ne ọba keghi wẹ ne avbe iran ni rre asẹ vbe otọ Izrẹl hia gha die Jerusalẹm. Rhunmwuda ọnii, iran ni rre asẹ vbe dọmwadẹ ẹwae, iran ni rre asẹ ni gbearoghe iwinna otọ arriọba nii, avbe ọkaolotu uniẹn, iran ni gbearoghe emwi ne ọba mwẹ kevbe emwirri ẹre kevbe avbe ivbi ẹre, ne a wa kha wẹ iran ni rre asẹ vbe ẹguae hia, avbe ivbiyokuo ni hin usi kevbe emwa kpataki hia na si koko vbe Jerusalẹm.

I Krọnikol 29:1

E Devid ne ọba keghi tama emwa ni si koko ye evba wẹẹ, “E Solomọn ne ovbi mwẹ ọrọre ọmwa ne Osanobua zẹe, sokpan, ọvbokhan he ye nọ, ọ ma vbe rẹn emwi rhọkpa. Iwinna ne a ra winna, ọrhẹnrhẹn nọ, rhunmwuda, ọna i re ẹguae ọghe ọmwa kẹkan sokpan Ọgua Osa ọghe Nọyaẹnmwa ne Osanobua.

II Krọnikol 1:3

ọ na wẹ ne iran lele irẹn gha rrie owa ugamwẹ ne ọ rre Gibiọn. Iran kegha rrie evba rhunmwuda evba nii ọ re a mu Owa Ukpọn ne a ya rẹn wẹ e Nọyaẹnmwa rre evba, ne Mosis ne ọguọmwadia e Nọyaẹnmwa ru vbe otọ ẹgbo, yi.

II Krọnikol 29:20

Vbe ọwarọkpa nii, e Hẹzekaia ne Ọba keghi viọ emwa ni sẹ ihe ni rre ẹvbo nii hia ba egbe iran kegha rrie Ọgua Osa.