II Kọrinti 9:3 - Edo Bible (E Baibol Ẹdo) Version 1996

³ Mẹ gie avbe etẹn na dee nian ne a ghẹ miẹn wẹ orhuọ ne ima ye uwa rhuọ vbe ẹmwẹ na, khian ifianyanegbe, sokpan, zẹ vbe ne I kha re, wa ghi wa mu egbe iyobọ ne uwa ra ru ye otọ.

II Kọrinti 9:3 ပူးပေါင်းရင်းမြစ်များ

II Kọrinti 7:14

I wa ye uwa rhuọ ma rẹn, wa ma vbe gie orhuọ ni degbe mwẹ. Ẹmwata ma tama uwa vbe ẹghẹ hia, erriọ vbe nọ zẹẹ, wẹ orhuọ ne ima rhuọ vbe ekpa Taitọs kevbe gha re ẹmwata.

II Kọrinti 7:4

Aro mwẹ da ọna sẹrriọ wẹ, te I ye uwa ghan. Vbe uwu ọlọghọmwa ne ima ye hia, te udu ye hu mwẹ, ẹko mwẹ vuọn ne ọyẹnmwẹ.

II Kọrinti 8:6

Rhunmwuda ọnii, ọre ima na wẹ ne Taitọs, ọmwa ne ọ suẹn iwinna na, ne ọ wa gha ya ẹe khian, ne ọ gu uwa winna iwinna aho ẹmwẹ ọmwa na sẹ ufomwẹ.

Taitọs 3:1

Ye avbe emwa ruẹn ẹre rre, ne iran gha gbe uhunmwu ke otọ ne iran ni rre asẹ kevbe ọdakha, ne iran gha họn ẹmwẹ ne iran, ne iran mu egbe ne iran gha ya gha ru emwi ne ọ maa vbe ẹghẹ hia.