II Kọrinti 7:9 - Edo Bible (E Baibol Ẹdo) Version 1996

⁹ Sokpan banbanna nian, ẹko wa rhiẹnrhiẹn mwẹ, ẹ i re rhunmwuda ighẹ I rhia uwa ẹko ua, sokpan rhunmwuda wẹ, ẹko ne ọ rriara uwa ye uwa fi obọ werriẹ. Osanobua lo ẹko nọ rriara uwa ni, rhunmwuda ọnii ma ma ru uwa emwi dan.

II Kọrinti 7:9 ပူးပေါင်းရင်းမြစ်များ

Psalm 38:18

Imiẹn orukhọ mwẹ kue, iran i ghi gie orhiọn mwẹ sẹ otọ.

Asan-Ibo 7:3

Akhiẹ ọ re ọ maa sẹẹ ogiẹ, ọ sẹtin ye aro ruẹ suku ua sokpan, ọ gha gie ẹdẹ gbe uẹ vbe ẹko sayọ.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Matiu 3:8

Wa gie uyinmwẹ uwa rhie ma ighe wa gele zobọ vbe orukhọ ne a ru.

Iyẹn ne ọ Maan Ọghe Luk 15:10

Ne I tama uwa, erriọ ọre ọyẹnmwẹ sẹ avbe odibo Osanobua ye ọmwa orukhọ ọkpa ne ọ fi werriẹ.”

Iyẹn ne ọ Maan Ọghe Luk 15:32

Sokpan ọ kere ne ima gha re ne a gha ghọghọ, rhunmwuda ọtuẹn na te wu, sokpan, ọ rre agbọn nian, ọ te wii, sokpan a dọlọ miẹn ọẹn.’ ”

Iyẹn ne ọ Maan Ọghe Luk 15:7

Ne I tama uwa, erriọ ọ wa vbe ye zẹ, ọmwa orukhọ ọkpa ne ọ fi ekhọe werriẹ, ọ re a rhunmwuda ẹre ghọghọ vbe ẹrinmwi sẹ ọkpairrọvbiyisẹn ni ma fi owẹ dọn.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 2:16

Vbe ọghe iran ni ra wiri ua, ẹwia dan ne ọ gbe ọmwa ran nọ, vbe ọghe iran ne a ra miẹnfan, emwi ne ọ winhin nọ rhie arrọọ ne ọmwa nọ. De ọmwa ne ẹtin ẹnrẹn gha sẹ egbe iwinna vberriọ khekherriọ?

II Kọrinti 7:8

Rhunmwuda, a deghẹ ebe ne I gbẹn gie uwa nii gele lughu uwa ẹko, I ma gbe I ma rẹn I ghẹ gbẹn ọẹn. Te ọ gha te da mwẹ vbe I miẹn wẹ ebe nii rhia uwa ẹko ua vbe ovbi ẹghẹ kherhe.