II Kọrinti 7:4 - Edo Bible (E Baibol Ẹdo) Version 1996

⁴ Aro mwẹ da ọna sẹrriọ wẹ, te I ye uwa ghan. Vbe uwu ọlọghọmwa ne ima ye hia, te udu ye hu mwẹ, ẹko mwẹ vuọn ne ọyẹnmwẹ.

II Kọrinti 7:4 ပူးပေါင်းရင်းမြစ်များ

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

Ebe ne Pọl gbẹẹn gie emwa Rom 5:3

Ma ghi vbe gha ghọghọ vbe uwu ọlọghọmwa, rhunmwuda ọlọghọmwa ọre ọ biẹ i ziengbe,

I Kọrinti 1:4

Ẹghẹ hia ọre I ya kpọnmwẹ Osanobua mwẹ ne uwa, rhunmwuda ẹsọhẹ ne ọ la obọ Jesu Kristi rhie ne uwa.

II Kọrinti 1:14

avbe emwi ne uwa rẹn otọ ẹre kherhe kherhe ẹghẹ na. Ne a miẹn wẹ ọ gha ghi sẹ ẹdẹ Nọyaẹnmwa Jesu, wa ghi gha ya ima ghan zẹ vbe ne ima vbe ya uwa ghan.

II Kọrinti 1:4

Rẹn ọre ọ ye ima obọ vbe uwu ọlọghọmwa mwa hia, ne ima sẹtin gha ye avbe emwa hia ni ghi rre uwu ọlọghọmwa ughughan hia obọ, vbe ekpa ne a na lo egbe iyobọ ni ne ima vbe miẹn vbe obọ Osanobua.

II Kọrinti 10:8

Rhunmwuda, ekhue i ra mu mwẹ adeghẹ mẹ kue ya ẹe rhuọ gbe, ighẹ asẹ ne Nọyaẹnmwa rhie ne ima, asẹ ne a rhie ne ima ya ye uwa digiẹ ighẹ ẹ i re ne a ya dunmwu uwa sẹ otọ.

II Kọrinti 11:21

Ekhue wa mu mwẹ vbe I ta ẹe. Ma ma din sẹ ne ọ gha ru vberriọ! Sokpan deghẹ ọmwaikọmwa wẹ rẹn mwẹ emwi ne ọ gha ya rhuọ, te I guan vbe ọmwẹmwẹ na, mẹ wa vbe mwẹ nii gha ya rhuọ vberriọ zẹẹ.

II Kọrinti 2:14

Sokpan, ekpọnmwẹ nọ ne Osanobua, rhunmwuda, vbe a kugbe ba Kristi, Osanobua ghi gha viọ ima khian zẹ vbe oghunmwu vbe uwu emwa ne Kristi viọ rre vbe okuo ne ọ na khọn miotọ. Zẹ vbe ori ne ọ winhin ne ọ gba ehe hia, Osanobua lo ima ya ye Kristi khian ne emwa hia rẹnrẹn.

II Kọrinti 3:12

Rhunmwuda ighẹ ma mwẹ idanmwehọ na, ma keghi din ẹsẹse.

II Kọrinti 7:14

I wa ye uwa rhuọ ma rẹn, wa ma vbe gie orhuọ ni degbe mwẹ. Ẹmwata ma tama uwa vbe ẹghẹ hia, erriọ vbe nọ zẹẹ, wẹ orhuọ ne ima rhuọ vbe ekpa Taitọs kevbe gha re ẹmwata.

II Kọrinti 8:24

Wa ye oghọghọ miẹn iran, ne aro esọsi hia miẹn ehe na da ẹe, ne iran vbe rẹn wẹ orhuọ ẹmwata ọre ima ye uwa rhuọ.

Filipai 1:14

Ne I na rre eghan na, keghi vbe rhie udinmwẹ ne etẹn ne ikpia ni bun vbe uwu Kristi, sẹrriọ wẹ edẹgbedẹgbe ọre iran ghi ya din yọ vbe ne iran na kpe orhu ẹmwẹ ni vbe ne a i na fian afianma.

Filipai 1:20

Rhunmwuda, emwi ne I mobọ ho kevbe ne I danmwehọ ẹre, ọrọre ne a ghẹ miẹn ighẹ I ma ghi sẹtin winna iwinna mwẹ, sokpan ne a miẹn wẹ vbe ẹghẹ hia, kpataki vbe iwinna na, ne ẹtin gha rre iwu, vbe ne a gha na miẹn wẹ, egbe mwẹ hia ọre I ghi ya rhie uyi gie Kristi, te I rre agbọn ra te I wu.

Filipai 1:26

Rhunmwuda ọnii, I gha ghi dọlegbe gu uwa gha rrọọ, I gha gie uwa ya ghan sẹ ayọ vbe ẹdẹ agbọn uwa vbe uwu Kristi Jesu.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

Kọlose 1:24

Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.

I Tẹsalonaika 2:19

Ne a ta ẹmwata, wa rẹnrẹn wẹ, ọmwa ọvbehe ne ọ re idaehọ kevbe oghogho ima i rrọọ gberra uwa, kevbe emwi ne ima gha ya ghan vbe odaro Nọyaẹnmwa Jesu Kristi, ighẹ ma ru rho obọ nẹ, vbe ẹghẹ, ne ọ gha ya rre.

I Tẹsalonaika 2:2

Wa rẹn vbene a ru ima emwi oya hẹ, ne a na vbe fa ima uan vbe Filipai, ma keghi kpao bu uwa gha die Tẹsalonaika. Ọ rhe ye rriọ, Osanobua keghi ye rhie orhiọn ye ima iwu, ne ima ya kpe orhu iyẹn nii ma uwa, a gha rhe miẹn wẹ, vbe adesẹ igbodan nọkhua nọ.

II Tẹsalonaika 1:4

Ọnii ọre ọ si ẹe ne ima tobọ ima na ye uwa ghagha vbe esọsi Osanobua hia. Ma ghi gha ya ẹe ghan ighẹ vbene uwa ziengbe oya hẹ, ne uwa na vbe yayi vbe uwu a zẹ ọmwa kpokpo, kevbe oya ne uwa re ẹghẹ na.

Failimọn 1:7

Ọtẹn mwẹ ne ọ ghan, aho ẹmwẹ ọmwa ruẹn wa yẹ ọyẹnmwẹ sẹ mwẹ ẹsẹsẹmwẹse, ọ keghi vbe rhie ẹtin yọ mwẹ iwu, rhunmwuda, u ye ekhọe emwa Osanobua hia gua kpao.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.