II Kọrinti 7:3 - Edo Bible (E Baibol Ẹdo) Version 1996

³ I ma ta ọna ne I ya zan uwa, rhunmwuda, zẹ vbene I ka kha yi, wa ghan ne ima sẹrriọ wẹ, ihe ọkpa ma gha ye ẹghẹ hia, te a rre agbọn ra te a wulo.

II Kọrinti 7:3 ပူးပေါင်းရင်းမြစ်များ

II Kọrinti 11:11

Vbe ọ ya mwẹ ta ẹmwẹ na yi? Rhunmwuda ighẹ I i ho ẹmwẹ uwa nọ ra? Osanobua rẹnrẹn ighẹ I ho ẹmwẹ uwa.

II Kọrinti 12:15

Ẹko rhiẹnrhiẹnmwẹ ọre I gha ya lo emwi ne I mwẹ hia, ya sẹ egbe imẹ tobọ mwẹ bare, ne I ya ye uwa obọ. Rhunmwuda ne I na ho ẹmwẹ uwa sẹrriọ, ọre uwa ghi na si egbe vbe aho ne uwa mwẹ ghe mwẹ ra?

II Kọrinti 13:10

Ọnii ọ si ẹe ne I na gbẹn ebe na vbe I i rre ehe ne uwa ye, otọe ẹre nọ wẹ, I gha ghi rre, ne I ghẹ ye obọ ne ọ tọn mu uwa vbe i a gha lo asẹ ne Nọyaẹnmwa rhie mẹ, asẹ ne a rhie mẹ ne I ya ye uwa digiẹ ighẹ ẹ i re ne I ya duẹ uwa sẹ otọ.

II Kọrinti 3:2

Wa tobọ uwa ọrọre ebe ne ima gbẹn, ne a gbẹn ye ekhọe uwa, ne emwa hia rẹn ọnrẹn, ne iran vbe gha tie ẹre.

II Kọrinti 7:12

Erriọ nọ, I gha rhe gbẹn ebe ni, ẹ i re rhunmwuda ne ọ rukhọ ra ọmwa ne ọ rukhọ ọre I na gbẹn ọẹn. Sokpan te I gbẹn ọẹn ne I miẹn ehe na rhie ma uwa, vbe odaro Osanobua, vbene uwa kakabọ mu aro ye ẹmwẹ emwi ima hẹ.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

I Tẹsalonaika 2:8

Sokpan, rhunmwuda aho ẹmwẹ ọmwa ne ima mwẹ ghe uwa, ma keghi wa mu egbe ne a gha ya ghae ne uwa, ẹ i re vbe nene Iyẹn Ne ọ maa ọkpa ọghe Osanobua, sokpan kevbe ẹdẹ agbọn ima ba re. Wa kegha ghan ne i ma ẹsẹse.