II Kọrinti 7:2 - Edo Bible (E Baibol Ẹdo) Version 1996

² Wa rhie otọ ne ima vbe uwu ekhọe uwa. Ne ima ru ẹre emwi khọ i rre uwu uwa, ma ma fuẹn ọmwa rhọkpa rua, ma ma rhu ọmwa rhọkpa rre.

II Kọrinti 7:2 ပူးပေါင်းရင်းမြစ်များ

Nọmbas 16:15

Ohu keghi mu e Mosis, ọ na tama e Nọyaẹnmwa wẹẹ, “Ghẹ rhan obọ miẹn izẹ ọhẹ rhọkpa ne iran na viọ rre. Ne I ru ẹre emwi rhọkpa irrọ vbe uwu iran, I ma vbe mu vbe uwu avbe ekẹtẹkẹtẹ iran.”

Matiu 10:14

Deghẹ a miẹn ẹvbo ne ọ ma rhan obọ miẹn uwa ra iran ma rhie ehọ ne uwa ta yi, wa ghi kevba ladian, wa ghi vbe bọnmwẹ ebubẹ ni rre uwa owẹ ye otọ.

Matiu 10:40

“Ọmwaikọmwa ne ọ miẹn uwa yi, miẹn mwẹ yi, ọmwaikọmwa ne ọ miẹn mwẹ yi, miẹn ọmwa ne ọ gie mwẹ yi.

Iyẹn ne ọ Maan Ọghe Luk 10:8

Wa gha la ẹvbo ighe iran rhan obọ miẹn uwa, emwi ne a rhirhi rhie ne uwa, wa rriọe.

Iwinna 20:33

I ma ye aro ye ẹrọnmwọ, oze ra ukpọn ọmwaikọmwa.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 11:16

I vbe dọlegbe tae, ọmwa rhọkpa ghẹ tie mwẹ akpa o, sokpan, a deghẹ u tie mwẹ akpa, u ghi vbe rhan obọ miẹn mwẹ zẹ vbe akpa, vbene I gha na miẹn emwi ya rhuọ kherhe.

II Kọrinti 11:9

Ẹghẹ ne I na gha rre ehe ne uwa ye, a deghẹ igho i gue mwẹ, I ma vbe ya ye uwa egbe, rhunmwuda, etẹn ni ke Masidonia rre viọ emwi ne I i te mwẹ hia gun mwẹ. Zẹ vbe ne I ka ru ẹe, vbe ẹghẹ ne ọ gberra, erriọ I ra ye gha ru ẹe vbe ẹghẹ ne a ọ dee. I i ra kun enegbe mwẹ yan uwa.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

Filipai 2:29

Rhunmwuda ọnii, wa ghi ye oghọghọ rhan obọ miẹn rẹn zẹ vbe ọtẹn ne okpia vbe uwu Nọyaẹnmwa. Wa gha ye ọghọ ne emwa vbene irẹn ye nii.

Kọlose 4:10

Aristakọs, ọmwa ne ọ gun mwẹ rre eghan, ke ẹe kevbe Mak ne ọtẹn Banabas wẹ uwa do. (A ka tama uwa nẹ wẹ ne uwa rhan obọ miẹn rẹn vbe ọ gha rrie ehe ne uwa ye.)

I Tẹsalonaika 2:10

Wa ọrọre osẹe ima, zẹ vbene Osanobua vbe re osẹe ima, uyinmwẹ ne ima gu uwa ni yayi gha yin, kegha re ne ẹ i mwẹ iruẹn, ne ọ gbae kevbe ne ẹ i mwẹ abe.

Failimọn 1:12

I khian gi ẹe werriegbe bu ruẹ gha dee nian, vbene ọ dee orhiọn mwẹ lele ẹe dee.

Failimọn 1:17

Rhunmwuda ọnii, a deghẹ u gele ka mwẹ ye ogieva ruẹ, rhan obọ miẹn rẹn la owa, zẹ vbe ne u gha vbe rhan obọ miẹn imẹ la owa.

II Jọn 1:10

Rhunmwuda ọnii, ọmwa gha bu ruẹ la owa vbe ne a na miẹn wẹ, ọ ma rhie iruẹmwi na rre, ghẹ giẹe la owa. Ghẹ kue zẹdẹ kha ma rẹn wẹ, “Ọfumwegbe nọ nuẹn.”