II Kọrinti 4:4 - Edo Bible (E Baibol Ẹdo) Version 1996

⁴ Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

II Kọrinti 4:4 ပူးပေါင်းရင်းမြစ်များ

I Ọba 22:22

Orhiọn nii keghi kha wẹẹ, ‘I gha yo ya ru ẹe ne avbe akhasẹ Ehab hia gha ta ohoghe.’ E Nọyaẹnmwa keghi tama rẹn wẹẹ, ‘Gha khian ya rẹrẹ ọe, u gha sẹtin.’ ”

Psalm 50:2

E Nọyaẹnmwa wan uwanmwẹ, ke Zaiọn rre, ẹvbo nii ne osẹ gba na fo.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:18

Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.

Iyẹn ne ọ Maan Ọghe Jọn 12:31

Eban ọre ọse ẹghẹ ne a gha ya bu ohiẹn agbọn na nian, eban nian, a ra ya ọre owẹ ye otọ ighe nọkhaemwisẹ yan agbọn na.

Iyẹn ne ọ Maan Ọghe Jọn 12:35

Jesu tama iran wẹẹ, “Uwanmwẹ gha ye gu uwa mudia kpẹe kherhe. Wa yin uyinmwẹ ẹdẹ agbọn uwa vbene uwa na mwẹ uwanmwẹ, ne ebiebi ighe do hẹ rhu uwa rhunmwuda, ọmwa ne ọ khian vbe ebiebi ma rẹn ehe ne ọ rrie.

Iyẹn ne ọ Maan Ọghe Jọn 12:40

“Osanobua rhu iran aro nẹ, ọ vbe gbe iran ekhọe ẹwaẹn ruan nẹ, ne aro iran ghẹ miẹn ehe na bẹghe odẹ, ne ọ ghẹ miẹn ehe na la iran ekhọe, ne iran ghẹ ya bu mwẹ rre ne imẹ mu iran egbe rran.”

Iyẹn ne ọ Maan Ọghe Jọn 12:45

Ọmwa ne ọ miẹn mwẹ ne vbe miẹn ọmwa ne ọ gie mwẹ nẹ.

Iyẹn ne ọ Maan Ọghe Jọn 14:30

Mẹ i ra ghi gu uwa guan kpẹe sẹ ọna, rhunmwuda, ne ọ kha yan agbọn na dee.

Iyẹn ne ọ Maan Ọghe Jọn 15:24

Iran i ghẹ rri abe orukhọ rhọkpa akpawẹ mẹ ma sirra iran winna iwinna ne a ma he miẹn ọmwa ne ọ ka ru egbe ọre yi, vbe banbanna nian, iran miẹn iwinna ne I winnaẹn nẹ, iran na gha khọ ẹko Erha mwẹ bare.

Iyẹn ne ọ Maan Ọghe Jọn 16:11

Vbekpa ọghe ibuohiẹn, rhunmwuda a bu ohiẹn ne ọ khaemwisẹ yan agbọn na nẹ.

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Iwinna 26:23

Wẹ rẹ e Mẹzaia gha rri oya, ọ ghi vbe do gha re ọmwa ne okaro ne a gha huẹn kpaegbe vbe idin, ne ọ do ta ẹmwẹ uwanmwẹ imiẹnfan ma avbe Ju kevbe iran ne ẹ i re Ju.”

I Kọrinti 10:20

Hiehiere. Emwi ne I kha ọrọre wẹ, emwi ne a ya zẹ ese vbe aro ẹbọ, esu ọre a yae ru na ighẹ ẹ i re Osanobua. Mẹ ma ho ne uwa gu esu gha mu obọ.

II Kọrinti 2:11

Ne a ghẹ miẹn ehe na rhie otọ ne obọ Setan ya ke odukhunmwu ne ọghe ima, rhunmwuda ma rẹn ehe ne ọ ghae yi.

II Kọrinti 2:12

Ẹghẹ ne I na sẹ Troas ne I ya kpe orhu Iyẹn Ne ọ maa Kristi vbe evba, I keghi miẹn wẹ, Nọyaẹnmwa tobọ ẹre kie odẹ ye otọ ne nene iwinna nẹ vbe evba.

II Kọrinti 3:11

Rhunmwuda, deghẹ emwi ne ọ gha rrọọ vbe ovbi ẹghẹ kherhe gha a mwẹ uyi, inu inu emwi ne ọ rrọọ ẹdẹdẹdẹ gha ya mwẹ uyi sẹẹ!

II Kọrinti 3:14

Vbe ẹmwata, te a rhie emwi rhu iran ekhọe, ye do sẹ ẹdẹ nẹ rẹ na, te a ye rhie ukpọn nii rhu iran ekhọe vbe iran a gha tie ehe ile nẹdẹ. Ọmwa gha ghi ya egbe ba Kristi nẹ ọkpa, ọre a ghi na rhie ukpọn nii hin rre.

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Galatia 1:4

Ne ọ miẹn ehe na fan ima vbe obọ orre dan na, Kristi keghi ye egbe ẹre miẹn orukhọ mwa, zẹ vbe iho ọghe Osanobua kevbe Erha mwa.

Ẹfisọs 2:2

Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

Ẹfisọs 6:12

Rhunmwuda ẹ i re emwa ne agbọn kẹkan ma gu vẹn, sokpan iran nọ ighẹ avbe ẹtin ni wo ni re avbe ẹrinmwi, avbe ọdakha, avbe enikhaemwisẹ, avbe eniwanrẹn asọn, ọ ghe orre ne ọ so ebiebi na.

Filipai 2:6

Egbe Osanobua ọre ọ gu ẹe ẹdẹ, sokpan rẹn ma kha wẹ ne irẹn ya ẹkiudu gu Osanobua gha mwa ẹrrẹe.

Kọlose 1:15

Kristi ọrọre emwi ne ọ khọe ne a bẹghe ọghe Osanobua ne a i bẹghe, rẹn ọrọre Ọmọdiọn ọghọe ne ọ kpọlọ sẹ emwi ne a yi hia fẹẹrẹ.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

I Timoti 1:11

Ọnii nọ wẹ, iruẹmwi ne ọ rre uwu Iyẹn Ne ọ maa ne a mu yọ mwẹ obọ ne I gha kpe orhu ẹre khian, Iyẹn Ne ọ maa nii ne ọ ke obọ Osanobua ne ọ mwẹ uyi kevbe ne a fiangbe rre.

Taitọs 2:13

Zẹ vbene ima mudia khẹ Ẹdẹ ne afiangbe nii, ne ima mwẹ idaehọ ẹre, ẹdẹ ne uyi ọghe Osanobua mwa nọkhua, kevbe Ọmiọnmwafan mwa Jesu Kristi, gha rhie egbe maa.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Hibru 6:4

Rhunmwuda, vbe a ra ya viọ iran ni dele hin iyayi rre dọlegbe gha dee hẹ yi, ne iran do ro iro fi ekhọe werriẹ? Iran ka gha rre uwu uwanmwẹ Osanobua vbe ẹghẹ ọkpa yi. Iran danmwẹ ghe vbe ọhẹ ọghe ẹrinmwi, iran keghi vbe ghae vbe Orhiọn Ne Ọ Huanrẹn.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.

I Jọn 2:8

Vbene ọ rhirhi gha ye hẹ, iyi ne I gbẹn gie uwa, ọghọgbọn nọ, a miẹn ẹmwata ne ọ rrọọ vbe uwu Kristi nẹ, uwanmwẹ ọre ọ ghi wa ladian nian.

I Jọn 5:19

Ma rẹnrẹn wẹ ọghe Osanobua ma khin kevbe wẹ Ọmwa Dan ni ọre ọ kha yan agbọn na hia.