II Kọrinti 4:3 - Edo Bible (E Baibol Ẹdo) Version 1996

³ Rhunmwuda, a deghẹ iyẹn ne ọ maa ne ima kpe orhu ẹre, re emwi ne a rhie lẹre, obọ iran ni ra fuan ọre ọ na re emwi ne a rhie lẹre.

II Kọrinti 4:3 ပူးပေါင်းရင်းမြစ်များ

Matiu 11:25

Vbe ẹghẹ ọkpa ni, Jesu keghi kha wẹẹ, “Evbavba Nọyaẹnmwa ẹrinmwi kevbe agbọn, I kpọnmwẹ ọn rhunmwuda, emwi ne uwẹ rhie lẹre ne iran ne umẹwaẹn kevbe ni rẹn emwi, u keghi rhie ẹre ma iran ni ma rẹn emwirhọkpa.

Ebe ne Pọl gbẹẹn gie emwa Rom 2:16

Zẹ vbene Iyẹn Ne ọ maa ne I kpe orhu ẹre kha re, erriọ ọre ọ khian gha ye vbe Ẹdẹnẹdẹrriọ, ne Osanobua gha la obọ Jesu Kristi bu ohiẹn iro ẹkhokho ni rre ekhọe emwa hia.

I Kọrinti 1:18

A gha ta ẹmwẹ uwu ne Kristi wu vbe uhunmwu ugbugbe ma iran ni ra fuẹn uan, ẹmwẹ eghẹrẹ nọ vbe ehọ iran. Sokpan, zẹ vbe ọghe ima ne a ra miẹnfan, ẹtin Osanobua nọ.

I Kọrinti 2:6

Vbene ọ rhirhi gha ye hẹẹ, I vbe ye ẹmwẹ ne ọ dinmwi gu iran ni dido nẹ vbe ẹmwẹ emwi ni re ọghe orhiọn guan. Sokpan ẹ i re ẹwaẹn ẹmwẹ agbọn na, ra ọghe avbe ẹtin ni rre ọdakha vbe agbọn na, avbe ẹtin iran ra fafaa.

II Kọrinti 2:12

Ẹghẹ ne I na sẹ Troas ne I ya kpe orhu Iyẹn Ne ọ maa Kristi vbe evba, I keghi miẹn wẹ, Nọyaẹnmwa tobọ ẹre kie odẹ ye otọ ne nene iwinna nẹ vbe evba.

II Kọrinti 3:14

Vbe ẹmwata, te a rhie emwi rhu iran ekhọe, ye do sẹ ẹdẹ nẹ rẹ na, te a ye rhie ukpọn nii rhu iran ekhọe vbe iran a gha tie ehe ile nẹdẹ. Ọmwa gha ghi ya egbe ba Kristi nẹ ọkpa, ọre a ghi na rhie ukpọn nii hin rre.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

I Tẹsalonaika 1:5

Rhunmwuda, ẹ i re ẹmwẹ ne a guan ọkpa ma ya kpe orhu Iyẹn Ne ọ maa ni ma uwa, sokpan, ẹtin kevbe Orhiọn Ne Ọ Huanrẹn deba ẹmwata ne ẹmwata ne ọ rrọ. Ọna vbe gha re ne aro dae fo fẹẹrẹ, wa rẹn vbene ima gha ru hẹẹ, ẹghẹ ne ima na gha rre ehe ne uwa ye, rhunmwuda umamwẹ ọwua nọ.

I Timoti 1:11

Ọnii nọ wẹ, iruẹmwi ne ọ rre uwu Iyẹn Ne ọ maa ne a mu yọ mwẹ obọ ne I gha kpe orhu ẹre khian, Iyẹn Ne ọ maa nii ne ọ ke obọ Osanobua ne ọ mwẹ uyi kevbe ne a fiangbe rre.