II Kọrinti 4:2 - Edo Bible (E Baibol Ẹdo) Version 1996

² Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

II Kọrinti 4:2 ပူးပေါင်းရင်းမြစ်များ

I Ọba 18:34

Ọ keghi tama iran wẹẹ, “Wa dọlegbe ru ẹe.” Iran keghi ruẹ vberriọ, ọ keghi yevbe kha wẹẹ, “Wa dọlegbe ru ẹe.” Iran ke ru ẹe.

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

Ebe ne Pọl gbẹẹn gie emwa Rom 6:21

Sokpan, de ere ne uwa ghi miẹn re vbe ne uwa na gha ru avbe emwi ni ne ekhue ẹre ghi mu uwa ẹghẹ na? Uwu ọre ọ ke avbe emwi ni ikian.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

II Kọrinti 11:6

Ọ gha kẹe, I ma he guẹ ẹmwẹ ne a guan, sokpan, ẹ i yerriọ vbe ọghe irẹnmwi, ma wa rhie ọna ma uwa nẹ vbe ẹghẹ hia kevbe ihe hia.

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

II Kọrinti 5:11

Ma rẹn emwi ne a yae kha wẹ, ne a gha mu ohan Nọyaẹnmwa, ma keghi rhunmwuda ọnii ho ne a gha bọ emwa yọ. Osanobua rẹn ima fo fẹẹrẹ, mẹ vbe yayi wẹ, vbe uwu ekhọe uwa, wa vbe rẹn mwẹ.

II Kọrinti 6:8

A ya ọghọ ne ima, a vbe fa ima uan, a ya ukpẹ sakan ima, a vbe tian ima, a ru ima vbe ọhọn ohoghe, sokpan ẹmwata ma ta.

II Kọrinti 7:14

I wa ye uwa rhuọ ma rẹn, wa ma vbe gie orhuọ ni degbe mwẹ. Ẹmwata ma tama uwa vbe ẹghẹ hia, erriọ vbe nọ zẹẹ, wẹ orhuọ ne ima rhuọ vbe ekpa Taitọs kevbe gha re ẹmwata.

Ẹfisọs 4:14

Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

Ẹfisọs 5:12

Ekhue i gia sunu ye emwi ne iran ru vbe uwu ebiebi.)