II Kọrinti 3:9 - Edo Bible (E Baibol Ẹdo) Version 1996

⁹ Ugamwẹ ne a ya bu ohiẹn ghe emwa kegha mwẹ uyi, inu inu ọre ugamwẹ ne a ya bu ase ne ọmwa gha ya mwẹ uyi sẹẹ!

II Kọrinti 3:9 ပူးပေါင်းရင်းမြစ်များ

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

I Kọrinti 15:41

Owẹn mwẹ ose ọghọe, uki, ose ọvbehe, avbe orhọnmwẹ, umosemwẹ ọvbehe, uhin ighẹ umosemwẹ avbe orhọnmwẹ vbe lughaẹn ne egbe.

II Kọrinti 3:8

inu inu ọre uyi ne ọre ọghe ugamwẹ Orhiọn gha ya kpọlọ sẹẹ!

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Galatia 3:10

Iran ni ya egbe yan ne a gha ru vbene nene Uhi kha re, te a fi iran unu. Rhunmwuda, ebe kha re wẹẹ, “Ọmwaikọmwa ne ọ ma gha ye emwi hia ne a gbẹnnẹ ye nene ebe Uhi ru emwi vbe ẹghẹ hia, te Osanobua fi ẹre unu.”

Diuteronomi 27:26

“ ‘Ihẹn Osanobua rre uhunmwu ọmwa ne ọ ma ya uhi Osanobua kevbe iruemwi ẹnrẹn hia ru emwi.’ “Emwa ni hia ghi kha wẹẹ, ‘Isẹ!’

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.