II Kọrinti 3:3 - Edo Bible (E Baibol Ẹdo) Version 1996

³ Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.

II Kọrinti 3:3 ပူးပေါင်းရင်းမြစ်များ

Psalm 40:8

U miẹn vbe iho ruẹ ne a ru yẹ mwẹ hẹ Osanobua mwẹ! I rhie iruẹmwi ruẹn ye uwu ekhọe mwẹ.”

Psalm 42:2

Ohanmwẹ amẹ ruẹn gbe mwẹ, Osanobua ne ọ rrọ de ẹghẹ ni I gha ya yo ne I do ga vbe odaro ruẹ?

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:15

E Mosis keghi fi egbe werriẹ, ọ na tuorre vbe uhunmwu oke, ke irẹn kevbe uhanhan ayere eva ne a gbẹnnẹ ọre obọ eveva.

Ẹksọdọs 34:1

E Nọyaẹnmwa keghi tama e Mosis wẹẹ, “Ka Uhanhan okuta eva ni ye vbe nokaro nii, I gha vbe gbẹnnẹ avbe ẹmwẹ ni rre avbe uhanhan ne okaro ne u guọghọ ua yọ.

Itan 3:3

Ghẹ rhie obọ hin agba ẹko ọmwa kevbe ekhọe esi rre, viọ iran kinnọ urhu, gbẹnnẹ iran ye ekhọe ruẹ.

Itan 7:3

Rhie emwi ne I ma ruẹn re mwẹ vbe ẹghẹ hia, gbẹn ọẹn ye ekhọe ruẹ.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 17:1

E Nọyaẹnmwa keghi kha wẹẹ, “Ivbi e Juda, ukeke ematọn ọ re a ya gbẹnnẹ orukhọ uwa yotọ, emwi ne ọ mwẹ ukpe ọghe ẹdaimọn ọ re a ya gbẹnnẹ ọẹn ye uwa ẹkoko udu, a keghi kaa ẹre ye efẹn Ogiukpo uwa.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Ezikiẹl 11:19

I gha rhie orhiọn kevbe ekhọe ọgbọn ne iran. I gha miẹn iran ekhọe okuta ni zevbudu nii, I ghi rhie orhiọn ne ọ họn ẹmwẹ ne iran.

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Matiu 16:16

Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

I Kọrinti 3:5

A deghẹ erriọ nọ, gha ọre Pọl yi? Gha ọre Apọlọs? Eguọmwadia kẹkan ọghe Osanobua ọre ima khin ne ọ ya uwa do yayi. Iwinna ne Osanobua wa ne dọmwadẹ ọghọe ọre ọ winnaẹn.

II Kọrinti 3:6

Rhunmwuda, rẹn ọre ọ ru ẹe ne ima sẹtin gha ga ile nọgbọn, ne ẹ i re uhi ne a gbẹnnẹ ye otọ, sokpan, ọghe Orhiọn. Uhi ne a gbẹnnẹ ye otọ uwu ọre ọ si rre, sokpan arrọọ ọre Orhiọn rhie ne ọmwa.

II Kọrinti 3:7

Te a gbẹnnẹ uhi na ye avbe uhanhan okuta, uyi Osanobua keghi rhie egbe maa vbe ẹghẹ ne a na rhie ẹre ne ọmwa. A gha rhe miẹn wẹ ọ do fafaa, awanwan ne ọ gha rre ugbaro e Mosis, keghi wo vbe egbe sẹrriọ wẹ ivbi Izrẹl ma sẹtin tọn aro yo. A deghẹ uhi ne a rẹnrẹn wẹ uwu ọre ọ si rre, ladian ke irẹn kevbe uyi ne ọ sẹ vberriọ,

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

Hibru 10:16

“Ọna ọre ile ne I gha gu iran ta vbe iyeke a vbe ẹdẹrriọ, erriọ Nọyaẹnmwa khare: I gha rhie uhi mwẹ ye iran ekhọe, I ghi vbe gbẹn ọẹn ye iran orhiọn.”

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

Arhie Maan 2:1

“Gbẹn ebe gie odibosa esọsi ne ọ rre Ẹfisọs vbenian wẹ: “Uhunmwu ne ọ gie ọre ọ na khin ighẹ ọmwa ne ọ viọ orhọnmwẹ ihinrọn mwẹ vbe obọ erha ọmwa rẹn, ne ọ khian yo khian rre vbe adesẹ avbe erhan ọmukpa igoru ihinrọn ni.

Arhie Maan 2:12

“Gbẹn ebe gie odibosa esọsi ne ọ rre Pẹgamọm wẹ: “Uhunmwu ne ọ gie ọ na khin ighẹ ọmwa ne ọ mwẹ umozo ne ọ mwẹ unu eva.

Arhie Maan 2:18

“Gbẹn ebe gie odibosa esọsi ne ọ rre Tiatira wẹ: “Uhunmwu ne ọ gie rre ọre ọ na khin ighẹ Ovbi Osanobua ne aro ẹre kpannọ kua vbe Ogiọnmwẹ erhẹn, ne owẹ ọre fi wainwain, zẹ vbe ẹrọnmwọ ne a kpee.

Arhie Maan 2:8

“Gbẹn ebe ẹre gie odibosa esọsi ne ọ rre Smaina wẹ: “Uhunmwu ne ọ gie rre ọre ọna khin ighẹ rẹn ni ne ọ re okaro kevbe okiekie, ne ọ te ka wu, ne ọ ghi vbe dọlegbe rre agbọn nian.

Arhie Maan 3:1

“Gbẹn ebe gie odibosa esọsi ne ọ rre Sadis wẹ: “Uhunmwu ne ọ gie rre ọ na khin ighẹ ọmwa ne ọ mwẹ Orhiọn Ihinrọn ọghe Osanobua kevbe avbe orhọnmwẹ ihinrọn. I rẹn emwi ne u ru: I rẹnrẹn ighẹ te a wa kpe ọbọbọ nuẹn ighẹ u rre agbọn, vberriọ, u wu nẹ.

Arhie Maan 3:14

“Gbẹn ebe gie odibosa ne ọ rre Laodisia wẹ: “Uhunmwu ne ọ gie rre ọ na khin ighẹ Isẹ, osẹe ẹmwata, kevbe ọghe uhunmwu ẹmwẹ, ọmwa ne ọre ehe ne emwi hia ne Osanobua yi ke rre.

Arhie Maan 3:22

“Adeghẹ u mwẹ ehọ danmwehọ ẹmwẹ ne Orhiọn tama avbe esọsi.”

Arhie Maan 3:7

“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.

I Samuẹl 17:26

E Devid keghi nọ emwa ni mudia ke ẹe vbe evba wẹẹ, “De emwi ne a gha ru ne ọmwa ne ọ sẹtin gbe ọmwa na yi, ne ọ vbe ban ukpọn efaa na hin Izrẹl ẹkun rre? Vbe ọ ke rre ighẹ ọ na ghẹ ovbi e Filistin ne ukpikolo, ne ọ do gha fa iran an ighẹ ivbiyokuo Osanobua ne ọ rrọọ.”