II Kọrinti 3:2 - Edo Bible (E Baibol Ẹdo) Version 1996

² Wa tobọ uwa ọrọre ebe ne ima gbẹn, ne a gbẹn ye ekhọe uwa, ne emwa hia rẹn ọnrẹn, ne iran vbe gha tie ẹre.

II Kọrinti 3:2 ပူးပေါင်းရင်းမြစ်များ

Ebe ne Pọl gbẹẹn gie emwa Rom 1:8

Vbe okaro I kpọnmwẹ Osanobua mwẹ ne uwa hia vbe kpa Jesu Kristi rhunmwuda, uhunmwu otọ agbọn hia wa họn ẹmwẹ iyayi uwa.

I Kọrinti 3:10

Vbe uwu ne I na lo emwi ne Osanobua ya we mwẹ, I keghi bọ owa zẹ vbe ọmwa ne ọ rẹn iwinna ẹsẹse. I keghi gbe ẹyotọ. Ọmwa ọvbehe ọre ọ ghi ra do mu yan rẹn. Sokpan dọmwadẹ ọghọe ghi ye egbe ẹro vbene ọ họ ẹe hẹ.

II Kọrinti 11:11

Vbe ọ ya mwẹ ta ẹmwẹ na yi? Rhunmwuda ighẹ I i ho ẹmwẹ uwa nọ ra? Osanobua rẹnrẹn ighẹ I ho ẹmwẹ uwa.

II Kọrinti 12:15

Ẹko rhiẹnrhiẹnmwẹ ọre I gha ya lo emwi ne I mwẹ hia, ya sẹ egbe imẹ tobọ mwẹ bare, ne I ya ye uwa obọ. Rhunmwuda ne I na ho ẹmwẹ uwa sẹrriọ, ọre uwa ghi na si egbe vbe aho ne uwa mwẹ ghe mwẹ ra?

II Kọrinti 3:1

Te ẹmwẹ ima na ghi ye vbe ẹmwẹ ayunukpaegbe vbe ehọ uwa ra? Ra, zẹ vbe emwa ọvbehe, te uwa ghẹ ghi vbe gbẹn ebe ne a ya tian ọmwa ne ima ra, ra ne a gbẹn ebe ya tian ima ma uwa?

II Kọrinti 7:3

I ma ta ọna ne I ya zan uwa, rhunmwuda, zẹ vbene I ka kha yi, wa ghan ne ima sẹrriọ wẹ, ihe ọkpa ma gha ye ẹghẹ hia, te a rre agbọn ra te a wulo.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

I Tẹsalonaika 1:8

Rhunmwuda, wa rhie ẹmwẹ Nọyaẹnmwa gha rrie Masidonia kevbe Gris, a keghi vbe họn ẹmwẹ iyayi uwa vbe uwu Osanobua vbe ehe hia. Ẹmwẹ ọvbehe ne ima ghẹ ghi vbe ta i ghi rrọọ.