II Kọrinti 2:3 - Edo Bible (E Baibol Ẹdo) Version 1996

³ Ọna ọre ọ si ẹe ne I na gbẹn ebe nii gie uwa. I ma ho ne I gha dee ne a miẹn wẹ ọmwa ne ọ gha ya ẹko mwẹ rhiẹnrhiẹn, ọre ọ ghi rhia mwẹ ekhọe rua. Rhunmwuda aro mwẹ dae wẹ ẹko gha rhiẹnrhiẹn mwẹ ọre ẹko na vbe rhiẹnrhiẹn uwa.

II Kọrinti 2:3 ပူးပေါင်းရင်းမြစ်များ

I Kọrinti 4:21

De ne ọ yẹ uwa sẹẹ, vbọ? Ne I rhie asan bu uwa gha dee ra ne I gha dee vbe ọghọ kevbe ute?

II Kọrinti 1:15

Emwi na mu mwẹ ekhọe sẹrriọ ne I na tae vbe ẹghẹ okaro wẹ, I gha do miẹn uwa aro, ne a miẹn ehe na fiangbe uwa igba eva.

II Kọrinti 1:23

Osanobua ọre I rhie ye osẹe mwẹ, ọ rẹn vbene ekhọe mwẹ ye hẹ, Ne a ghẹ miẹn ehe na rri uwa oya, ọre ọ zẹe ne I ma na ghi rrie Kọrinti.

II Kọrinti 12:11

Te I ghi ru emwi vbe akpa, sokpan wa ọre ọ si ẹe yọmwẹ egbe. Wa ọre ọ te kei ne ọ gha so igie ye ẹmwẹ ne egbe mwẹ. Rhunmwuda, gie a kha I gele zẹdẹ mwẹ esa ne I ye, emwi ne avbe “Ogiete” ukọ uwa ni ya sẹmwẹ ẹ i rrọ.

II Kọrinti 12:21

Afianma fian mwẹ I gha ghi dọlegbe rre, Osanobua mwẹ gha wa sirra uwa hia fa mwẹ uan, I ghi gha viẹ egbe ba ẹmwẹ emwa ni bun ni ru orukhọ vbe ẹghẹ ne ọ gberra, ne ọma he ye ro iro fi uyinmwẹ werriẹ, vbe uyinmwẹ osọnnọ ne iran yin, alama oghẹ kevbe orriarria.

II Kọrinti 13:10

Ọnii ọ si ẹe ne I na gbẹn ebe na vbe I i rre ehe ne uwa ye, otọe ẹre nọ wẹ, I gha ghi rre, ne I ghẹ ye obọ ne ọ tọn mu uwa vbe i a gha lo asẹ ne Nọyaẹnmwa rhie mẹ, asẹ ne a rhie mẹ ne I ya ye uwa digiẹ ighẹ ẹ i re ne I ya duẹ uwa sẹ otọ.

II Kọrinti 2:9

Rhunmwuda, ọnii ọ zẹe ne I na gbẹn ebe ni gie uwa, te I gha ho ne I rẹn vbene uwa ghi ziengbe emwi hia sẹ hẹẹ, kevbe wẹ, deghẹ wa mu egbe ne uwa ya gha rhie ibude mwẹ vbe ẹghẹ hia.

II Kọrinti 7:12

Erriọ nọ, I gha rhe gbẹn ebe ni, ẹ i re rhunmwuda ne ọ rukhọ ra ọmwa ne ọ rukhọ ọre I na gbẹn ọẹn. Sokpan te I gbẹn ọẹn ne I miẹn ehe na rhie ma uwa, vbe odaro Osanobua, vbene uwa kakabọ mu aro ye ẹmwẹ emwi ima hẹ.

II Kọrinti 7:16

U miẹn vbe ọyẹnmwẹ sẹ mwẹ hẹ, rhunmwuda ighẹ wa gie a wa mu ẹtin yan!

II Kọrinti 7:6

Sokpan, Osanobua ne ọ rhie ẹtin ne ne egbe wọ fo nẹ, keghi ye urremwẹ Taitọs rhie ẹtin ye ima iwu.

II Kọrinti 7:8

Rhunmwuda, a deghẹ ebe ne I gbẹn gie uwa nii gele lughu uwa ẹko, I ma gbe I ma rẹn I ghẹ gbẹn ọẹn. Te ọ gha te da mwẹ vbe I miẹn wẹ ebe nii rhia uwa ẹko ua vbe ovbi ẹghẹ kherhe.

II Kọrinti 8:22

Rhunmwuda ọnii, ma gie ọtẹn mwa lele iran dee, ma danmwẹ ọẹn ghe nẹ inugba ne ọ khin, a keghi miẹn wẹ, ọ rre ọre ekhọe ne ọ ru iyobọ. Ugbẹn vbe a ghi wa miẹn nian wẹ ẹmwẹ uwa la ẹre aro sẹrriọ, te ọ ghi wa bọbọ ẹre egbe ne ọ ru iyobọ.

Galatia 5:10

Sokpan I wa ye mu ẹtin yan uwa. Ne ima na re ọkpa vbe uwu Nọyaẹnmwa, gie ekhọe mwẹ muẹn wẹ, wa i ra roro ẹe la odẹ ọvbehe, kevbe wẹ, ọmwa ne ọ do gha rueghe uwa orhiọn na, emwa ne ọ khọnrẹn wẹ ne ọ gha khin, ighẹ Osanobua gha ru ẹre emwi.

II Tẹsalonaika 3:4

Nọyaẹnmwa ne ọ gie ima ya uwa ye ẹro, aro ima da ẹe ighẹ vbene ima ta ma uwa ọre uwa ru, kevbe wẹ erriọ uwa khian vbe gha ru ẹe khian.

Failimọn 1:21

Aro mwẹ dae vbene I wa gbẹn ebe na wẹ, u gha ru vbene I khare, vbe ẹmwata, I rẹnrẹn ighẹ u gha ru gberra vbene I khare.