II Jọn 1:8 - Edo Bible (E Baibol Ẹdo) Version 1996

⁸ Wa ghi khẹ yegbe nian khekherriọ, ne uwa ghẹ ya mu emwi ne uwa winna yi nẹ fua, sokpan ne ere ne ọ rrọọ sẹ uwa obọ vbe ne ọ vuọẹn.

II Jọn 1:8 ပူးပေါင်းရင်းမြစ်များ

Daniẹl 12:3

Iran ne ọkaolotu ni wan ni rrọọ ghi gha fi wainwain zẹ vbe iso. Avbe emwa ni vbe ma emwa re ne iran gha ru emwi ne ọ gbae, gha fi wainwain zẹ vbe avbe orhọnmwẹ ni rre iso.”

Matiu 24:4

Jesu wanniẹn tama iran wẹẹ, “Wa ghi yegbe ne ọmwaikọmwa ghẹ mu uwa rẹrẹ.

Iyẹn ne ọ Maan Ọghe Mak 13:23

Wa gha ba egbe. I ta emwi hia ma uwa ye otọ nẹ.

Iyẹn ne ọ Maan Ọghe Mak 13:9

“Wa tobọ uwa, wa ghi khẹ ye egbe. Rhunmwuda emwa gha dekun uwa gha munọ ye iko ẹzọ. Iran gha gbele uwa vbe Ọgua ediọn. Wa gha mudia vbe odaro avbe ọba kevbe ekhaẹmwẹ rhunmwuda mwẹ, ne uwa kpe orhu Iyẹn Ne ọ maa ma iran.

Iyẹn ne ọ Maan Ọghe Luk 19:19

Ọ keghi tama rẹn, ọ wẹẹ, ‘I gha mu ẹvbo isẹn nuẹn gha gbe aro ghe.’

Iyẹn ne ọ Maan Ọghe Luk 21:8

Jesu wanniẹn wẹẹ, “Wa gha ba egbe, wa ghẹ gie ọmwarhọkpa do uwa ọgboi rua. Rhunmwuda emwa ni bun ọre ọ gha rre vbe eni mwẹ do kha wẹẹ, ‘Mẹ nọ’ kevbe wẹ ‘Ẹghẹ sẹ nẹ!’ Sokpan wa ghẹ lele iran.

Iyẹn ne ọ Maan Ọghe Jọn 4:36

Ọmwa ne ọ rhọ emwiokọ, a ghi gha ha ẹre osa, ọ ghi gha rhọ emwiorhọ ye arrọọ ne ẹ i fo, ne ẹko miẹn ehe na rhiẹnrhiẹn ne ọ kọ emwiokọ kevbe ne ọ rhọ emwiokọ kugbe.

I Kọrinti 15:8

Vbe okiekie ehia, ọ keghi rhie egbe ma imẹ, a gha rhe miẹn ighẹ te I yevbe ọmọ ne ubiẹmwẹ ọnrẹn ma gu ọghe emwa ọvbehe ro.

I Kọrinti 3:14

A deghẹ emwi ne ọmwa bọ yan rẹn miẹn uhunmwu vbe obọ erhẹn ni, a ghi san rẹn ẹse.

I Kọrinti 3:8

Alughaẹn ẹ i rrọọ ne nọ kọe kevbe ne ọ gbe amẹ khakhae. Osanobua gha san dọmwadẹ ọghọe ẹse zẹ vbe ne ọ winnaẹn.

Galatia 3:4

Emwi ne aro uwa miẹn i zẹdẹ mwẹ esa ne ọ ye hiehiere. Vbe ẹmwata, ọ wa mwẹ esa ne ọ ye.

Galatia 4:11

Afianma uwa fian mwẹ. Ọnii rhie maa ighẹ ẹsọn ne I miẹn ne uwa, te I miẹn ọẹn kua?

Filipai 3:16

Vbene ọnii a rhirhi gha ye hẹ, wa gie ima rhie owẹ lele ukpowẹ ne ima la de usin do sẹ wanwan na.

Hibru 10:32

Wa roro vbe ne ọ gha ye uwa hẹ, ẹghẹ ne ọ gberra. Ẹkpo nii, vbe uwanmwẹ Osanobua ghi wan mu uwa nẹ, wa rri oya emwi ni bun, sevba ọlọghọmwa nii ma gbele uwa kua.

Hibru 10:35

Wa ghẹ gie egbe wọ uwa khekherriọ, rhunmwuda, ere nọkhua ọre ọ la dee.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Arhie Maan 3:11

I dee ẹgiẹgiẹ. Emwi ne ọ gu uẹ, dae yi mwẹ gbain ne ọmwaikọmwa ghẹ ya gbe uẹ miẹn ruẹn igho ọmẹguae ne a se yuẹ obọ.