II Jọn 1:4 - Edo Bible (E Baibol Ẹdo) Version 1996

⁴ Umiẹn vbene ẹko rhiẹnrhiẹn mwẹ uan hẹ, vbe I miẹn wẹ eso vbe avbe ivbi uẹ rrọọ vbe uwu ẹmwata zẹ vbene Evbavba yi ẹre iyi ne ima.

II Jọn 1:4 ပူးပေါင်းရင်းမြစ်များ

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Malakai 2:6

Iran wa gha ma emwa emwi ne ọ kere ighe ẹire emwi ne ọ ma gba. Iran wa gha gun mwẹ rrọ vbe ọfumwegbe, ẹire wẹ te iran tobọ iran wa gha ru emwi ne ọ gbae ọkpa, sokpan iran keghi gha yi emwa nibun obọ ne iran rhie obọ hin emwi dan ne a ru rre.

I Kọrinti 13:6

Ẹko aho ẹmwẹ ọmwa i rhiẹnrhiẹn ye ọkhọ, sokpan emwi ẹmwata ọre ọ sẹ ọre ọyẹnmwẹ.

Galatia 2:14

Ugbẹn vbe I ghi miẹn wẹ iran ma lele uviẹn ẹmwata, zẹ vbe ne ọ gha gu ẹmwata iyẹn ne ọ maa ro, I keghi tama Pita vbe sirra iran hia wẹẹ, “E Ju ọre uwẹ khin, sevba, ke ẹghẹ nii gha de, uyinmwẹ ọmwa ne ẹ i re Ju ọre u gha yin, ẹ i re ọghe Ju. Vbe u a ghi na ho hẹ nian ne u ye obọ yẹn ọmwa ne ẹ i re Ju ẹho ne ọ do gha ru emwi avbe Ju?”

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Filipai 4:10

U miẹn vbe ọyẹnmwẹ sẹ mwẹ hẹ ye ẹdẹ agbọn mwẹ vbe uwu Nọyaẹnmwa Iyeke vbe ọ ghi kpẹe fua nẹ, wa kevbe miẹn ẹkpo otọ ya dọlegbe rhie maa ighẹ, uwa mu ẹmwẹ mwẹ roro. I ma kha ighẹ wa te yan mwẹ fua nẹ o, te uwa ma miẹn ẹkpo otọ ya ru ẹe.

I Jọn 2:6

Ọmwa ne ọ kha re ighẹ uwu Osanobua ọre irẹn ye, we ne ọ gha yin zẹ vbene Jesu Kristi yinrin.