II Jọn 1:2 - Edo Bible (E Baibol Ẹdo) Version 1996

² Rhunmwuda wẹ, ẹmwata rre uwu ima nẹ, ọ gha vbe gu ima gha rrọọ rhinrin ẹdẹ.

II Jọn 1:2 ပူးပေါင်းရင်းမြစ်များ

Iyẹn ne ọ Maan Ọghe Jọn 14:16

Mẹ gha nọ Evbavba, rẹn ghi vbe rhie Nọyọmwaobọ ọvbehe gie uwa. Orhiọn ẹmwata nii ne ọ gha gu wa rrọ ẹdẹdẹmwẹdẹ.

Iyẹn ne ọ Maan Ọghe Jọn 15:7

A deghẹ wa di uwu imẹ ya, ighẹ ẹmwẹ mwẹ vbe rre uwu uwa, ẹghẹ ni, wa gha nọ emwi ne ọ rhirhi khọn uwa, ọ gha sẹ uwa obọ.

I Kọrinti 9:23

Rhunmwuda iyẹn ne ọ maa ọre I na ru avbe emwi na hia, ne a miẹn ehe na ghae sẹ mwẹ obọ vbe afiangbe ne ọ rrọọ.

II Kọrinti 4:5

Rhunmwuda, ẹ i re egbe ima ma kpe orhu ẹre, ma kpe orhu Jesu Kristi zẹ vbe Nọyaẹnmwa, kevbe ima tobọ mwa zẹ vbe eguọmwadia uwa vbe ekpa Jesu.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

II Timoti 1:5

I ye iyayi ẹmwata ne u mwẹ rre, egbe ne edede ruẹ gha mwẹ ighẹ Luis, kevbe Yunis ne iye uẹ vbe gha mwẹ, mẹ yayi ighẹ wẹ vbe mwẹ ọnrẹn.

II Pita 1:12

Ọna ọre ọ si ẹe ne I gha na gha ye uwa avbe ẹmwẹ na rre ẹghẹ hia, a gha rhe miẹn ighẹ wa ka rẹn ọnrẹn nẹ, kevbe wẹ, a wa ziẹn ẹnrẹn ye uwu ẹmwata ne uwa rhan obọ miẹn nẹ.

I Jọn 1:8

Deghẹ ma khare ighẹ ma i mwẹ orukhọ, te ima rẹrẹ egbe mwa, ẹmwata i vbe rre uwu ima.

I Jọn 2:14

I gbẹn ebe gie uwa, wa ne ibiẹka, rhunmwuda, wa rẹn Evbavba. I gbẹn gie uwa, wa ne Erha, rhunmwuda, wa rẹn irẹn ne ọ wa rrọọ ke omuhẹn gha dee. I gbẹn gie uwa, wa ne igbama, rhunmwuda, wa wo vbe egbe, ẹmwẹ Osanobua rre uwu uwa, wa vbe maẹn Ọmwa Dan ni.

I Jọn 2:17

Agbọn na, kevbe emwi ne agbọn gualọ ni rrọọ hia, te ehia rhie gberra khian, sokpan, ọmwa ne ọ ru vbene Evbavba ho ọ gha rrọọ ẹdẹdẹmwẹdẹ.