II Jọn 1:12 - Edo Bible (E Baibol Ẹdo) Version 1996

¹² I wa mwẹ emwi ni bun ne I gha tama ruẹn, sokpan ẹ i re ebe vbe ẹmu ne a ya gbẹn ebe ọre I gha ya ta ẹe, sokpan, I mwẹ ọnrẹn vbe ekhọe ne I do miẹn uwẹ aro, ne I wa tobọ mwẹ guẹ guan, ne ọyẹnmwẹ miẹn ehe na sẹ mwa fo.

II Jọn 1:12 ပူးပေါင်းရင်းမြစ်များ

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Iyẹn ne ọ Maan Ọghe Jọn 15:11

“Te I ta ẹmwẹ na ma uwa ne ọyẹnmwẹ mwẹ miẹn ehe na gha rre uwu uwa kevbe ne ọyẹnmwẹ ne ọ rre uwu uwa gha re ne ọ sẹ otọ ẹko.

Iyẹn ne ọ Maan Ọghe Jọn 16:12

“I wa mwẹ, ẹmwẹ ni bun ne I gha gu uwa guan, sokpan egbe uwa i ra sẹtin rrọ ẹre nian.

Iyẹn ne ọ Maan Ọghe Jọn 16:24

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

Iyẹn ne ọ Maan Ọghe Jọn 17:13

Banbanna nian, I bu ruẹ dee. Te I guan ẹmwẹ na vbe agbọn, ne ọyẹnmwẹ mwẹ miẹn ehe na gha sẹ iran, ọyẹnmwẹ ne ọ sẹ otọ ẹko.

Iyẹn ne ọ Maan Ọghe Jọn 3:29

Ọdafẹn ọha ọre ọ yan ovbiọha. Ọse ọdafẹn ọha ghi mudia gha danmwehọ, ẹko ghi gha rhiẹnrhiẹn ọẹn vbe ọ gha họn urhu ọdafẹn ọha. Erriọ zẹẹ ọre a ya ye ọyẹnmwẹ ne ọ sẹmwẹ khian ne ọ gbae.

Ebe ne Pọl gbẹẹn gie emwa Rom 15:24

I mwẹ idaehọ ighẹ I gha ru vberriọ nian. I gha do miẹn uwa aro vbe i a gha rrie Spen, ne uwa miẹn ehe na ru iyobọ mẹ ne I ya sẹ odọ vbe I gha ghi tuẹ uwa kpẹe nẹ kherhe.

II Timoti 1:4

I ye ameve ruẹ rre, I wa ho ne I miẹn ọẹn ẹsẹse, ne a miẹn ehe na ya oghọghọ sẹ mwẹ ọkẹn.

Failimọn 1:22

U ghi wa dọlọ ughugha ọkpa yi ye otọ khẹ mwẹ, rhunmwuda, I mwẹ idaehọ wẹ Osanobua gha họn erhunmwu uwa hia, ne a dọlọ rhie mwẹ bu uwa gha dee.

Hibru 13:19

I rinmwian uwa ne uwa na erhunmwu, ne Osanobua rhe rhe dọlegbe rhie mwẹ bu uwa gha dee.

Hibru 13:23

I ho ne I gie uwa rẹn ighẹ a fan ọtẹn mwa ighẹ Timoti fua nẹ vbe eghan. A deghẹ ọ rherhe rre, I gha rhie ẹre ba egbe vbe i a ra do miẹn uwa.

I Jọn 1:4

Te ima gbẹn ebe na ne ọyẹnmwẹ mwa miẹn ehe na gha re ne ọ gbae.

III Jọn 1:10

Rhunmwuda ọnii, ẹghẹ ne I gha ya rre, I gha mu ẹmwẹ emwi ne ọ ru hia tuorre, ẹmwẹ ihin ne ọ talọe vbe ekpa mwa, kevbe avbe ohoghe ne ọ ta, sokpan, ọ ni ma yevbe sẹ ọe, avbe etẹn gha rre, ẹ i vbe miẹn iran yi, ọ ghi gha de avbe emwa ni te ho ne iran rhan obọ miẹn iran obọ yi, ọ ghi gha hia ne ọ khulo iran hin esọsi rre.