II Jọn 1:11 - Edo Bible (E Baibol Ẹdo) Version 1996

¹¹ Rhunmwuda, ọmwa ne ọ na erhunmwu ọfumwegbe ne ẹẹn ọ gu ẹe mwẹ obọ vbe iwinna dan ne ọ winna.

II Jọn 1:11 ပူးပေါင်းရင်းမြစ်များ

Psalm 50:18

Wa khian osẹ oyi ne uwa a rhirhi miẹn hia wẹ vbe iran ni ghẹẹ ọ re ọ gba mu obọ.

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

Hibru 5:13

Ọmwaikọmwa nọ wẹn ewẹn, ọvbokhan he ye nọ, ne ọ ma kue rẹn enaye vbe a gha ta ẹmwẹ emwi ne ọ gbae ra ne ọ ma gba.

Ebe ne Jud gbẹẹn 1:23

Wa ghi miẹn iran fan vbe ekpa ne uwa gha na sanmwẹ iran ke uwu ọgẹn erhẹn ladian. Wa vbe gha mwẹ itohan ne a rhie ohan ba ghe emwa ọvbehe, sokpan wa gie ukpọn ne ẹkun iran, ne orriarria orukhọ iran ya iruẹn yi, gha sọnnọ uwa.

Arhie Maan 18:4

I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.