II Jọn 1:10 - Edo Bible (E Baibol Ẹdo) Version 1996

¹⁰ Rhunmwuda ọnii, ọmwa gha bu ruẹ la owa vbe ne a na miẹn wẹ, ọ ma rhie iruẹmwi na rre, ghẹ giẹe la owa. Ghẹ kue zẹdẹ kha ma rẹn wẹ, “Ọfumwegbe nọ nuẹn.”

II Jọn 1:10 ပူးပေါင်းရင်းမြစ်များ

Gẹnẹsis 24:12

Rẹn ka na erhunmwu wẹẹ, “Nọyaẹnmwa, Osanobua ọghe Ebraham ne arowa mwẹ, rhie arudinodẹ mẹ ẹre na ne u mu eyan ne u yan ma arowa mwẹ sẹ.

I Ọba 13:16

Sokpan, akhasẹ ne ọ ke Juda rre ni keghi tama rẹn wẹẹ, “I i sẹtin lele uẹ gha rrie owa ra ne I miẹn ọghọ ne u mu yọ mwẹ egbe,

Psalm 129:8

Ai miẹn ọmwa ne ọ gha la evba gberra, ne ọ khama rẹn wẹẹ, “Te Nọyaẹnmwa gha fiangbe uẹ! Ma fiangbe uẹ vbe eni e Nọyaẹnmwa.”

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

I Kọrinti 5:11

Emwi ne i kha ọrọre wẹ, wa gha miẹn ọmwa ne ọ tie egbe ẹre ọtẹn, ne ọ yayi, ọ na gha gbe alama, ọ zuan, ọ ga ẹbọ, ọ ta ọtakhọ, ọ da ayọ gbe egbe, ra ọ gbe olighi, wa ghẹ gu ẹe mu obọ, wa ghẹ kue gu ọmwa vberriọ rri evbare.

II Tẹsalonaika 3:14

Emwa eso sẹtin gha rre evba ne ẹ i ra zẹ ye ẹmwẹ ne ima gbẹnnẹ ye ebe na. A deghẹ ọ ye rriọ, wa ye ẹre ẹro ne uwa ghẹ gu ẹe mu obọ hiehie, ne ekhue miẹn ehe na muẹn.

II Tẹsalonaika 3:6

Ma ya eni Nọyaẹnmwa Jesu Kristi yi iyi ma uwa etẹn mwa, wa gha bi egbe ne avbe etẹn ni lo ẹdẹ iran hia ye oroho ne a si, iran ne ẹ i ya ẹmwẹ ne ima tama iran ru emwi.

Taitọs 3:10

Ọmwa ne ọ si iwannegbe rre, u ghi tie ẹre gu ẹe guan igbaeva, vbe iyeke ọnii, u ghi wa zobọ vbe egbe ẹre fẹẹrẹ.

II Jọn 1:11

Rhunmwuda, ọmwa ne ọ na erhunmwu ọfumwegbe ne ẹẹn ọ gu ẹe mwẹ obọ vbe iwinna dan ne ọ winna.

III Jọn 1:10

Rhunmwuda ọnii, ẹghẹ ne I gha ya rre, I gha mu ẹmwẹ emwi ne ọ ru hia tuorre, ẹmwẹ ihin ne ọ talọe vbe ekpa mwa, kevbe avbe ohoghe ne ọ ta, sokpan, ọ ni ma yevbe sẹ ọe, avbe etẹn gha rre, ẹ i vbe miẹn iran yi, ọ ghi gha de avbe emwa ni te ho ne iran rhan obọ miẹn iran obọ yi, ọ ghi gha hia ne ọ khulo iran hin esọsi rre.