III Jọn 1:8 - Edo Bible (E Baibol Ẹdo) Version 1996

⁸ Rhunmwuda ọnii, ọ kere ne ima ni re eniyayi gha ye avbe emwa na obọ, ne ima miẹn ehe na gha mwẹ oghae vbe iwinna ne iran winna ne ẹmwata.

III Jọn 1:8 ပူးပေါင်းရင်းမြစ်များ

Psalm 94:16

De ọmwa ne ọ gu emwa dan gbinna mẹ yi? Gha ọ mu ẹzọ mwẹ gu emwa ọkhọ gui?

Matiu 10:14

Deghẹ a miẹn ẹvbo ne ọ ma rhan obọ miẹn uwa ra iran ma rhie ehọ ne uwa ta yi, wa ghi kevba ladian, wa ghi vbe bọnmwẹ ebubẹ ni rre uwa owẹ ye otọ.

Matiu 10:40

“Ọmwaikọmwa ne ọ miẹn uwa yi, miẹn mwẹ yi, ọmwaikọmwa ne ọ miẹn mwẹ yi, miẹn ọmwa ne ọ gie mwẹ yi.

Iyẹn ne ọ Maan Ọghe Luk 11:7

Deghẹ ọse ruẹ nii ghi vbe nien urhu ke uwowa khama ruẹn wẹẹ, ‘Ghẹ kpokpo mwẹ, a khui urho nẹ, mẹ vbe ivbi mwẹ ọre ogba rre ukpo, I i sẹtin kpaegbe rhie emwi rhọkpa miẹn.’

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

II Kọrinti 8:23

Zẹ vbe ọ ghe Taitọs, ogieva mwẹ ne ọ gun mwẹ winna nọ ne a ya ye uwa obọ. Zẹ vbe ọghe avbe etẹn nekpa ni lele ẹe dee, emwa ne dọmwadẹ esọsi zẹe iran khin ne iran rhie uyi gie Jesu.

Filipai 4:3

Kevbe uwẹ, ogieva mwẹ ne ekhọe esi ne ima gba winna kugbe, lahọ ru iyobọ ne avbe ikhuo na, rhunmwuda, iran mobọ kakabọ gun mwẹ winna vbe uwu ne a na kpe orhu iyẹn ne ọ maa, kevbe Klẹmẹnt kevbe avbe iho mwa nekpa ne ima gba winna, eni emwa ne a gbẹnnẹ ye uwu ebe ẹfe ọghe Osanobua nẹ.

Kọlose 4:11

Jọsua ne a vbe tie ẹre Jọstọs, vbe we uwa do. Iran eha na ọkpa ọrọre ivbi e Ju niyayi ni gun mwẹ winna ne Arriọba Osanobua, iyobọ nọkhuọkhua ọre iran wa khin mẹ.

I Tẹsalonaika 3:2

Ne ima gie Timoti bu uwa gha dee, ọtẹn mwa, ọmwa ne ọ gu ima winna ne Osanobua vbe ekpa ne ọ na kpe orhu nene Iyẹn Ne ọ maa ọghe Kristi. Ma gi ẹe bu uwa gha dee ne ọ do yi uwa obọ kevbe ne ọ vbe rhie iyobọ ne iyayi uwa.

Failimọn 1:2

Kevbe esọsi ne a do vbe owa ruẹ, kevbe ọtẹn ima ne okhuo ighẹ Afia, kevbe ogieva ima ne ima gba re ovbiyokuo ighẹ Akipọs.

Failimọn 1:24

Erriọ vbe nọ, ihomwa ne ima gba winna ighẹ avbe Mak, Aristakọs, e Demas kevbe Luk vbe wẹ uwa do.

III Jọn 1:10

Rhunmwuda ọnii, ẹghẹ ne I gha ya rre, I gha mu ẹmwẹ emwi ne ọ ru hia tuorre, ẹmwẹ ihin ne ọ talọe vbe ekpa mwa, kevbe avbe ohoghe ne ọ ta, sokpan, ọ ni ma yevbe sẹ ọe, avbe etẹn gha rre, ẹ i vbe miẹn iran yi, ọ ghi gha de avbe emwa ni te ho ne iran rhan obọ miẹn iran obọ yi, ọ ghi gha hia ne ọ khulo iran hin esọsi rre.

III Jọn 1:7

Rhunmwuda, okhian ne iran kpaegbe yo vbe ọghe iwinna Kristi, iran i miẹn avbe emwa ni ma yayi emwi rhọkpa.

III Jọn 1:9

I gbẹn ebe ne ọ ma tan gie esọsi, sokpan Diotrẹfis ne ọ ho ne irẹn gha re ọkaolotu iran, ma kue zẹ ye ẹmwẹ ne I tae hiehiere.