III Jọn 1:3 - Edo Bible (E Baibol Ẹdo) Version 1996

³ Ẹko hia keghi rhiẹnrhiẹn mwẹ uan vbe etẹn eso rre, iran na do khama mwẹ vbene u rhie ekhọe lele ẹmwẹ ẹmwata ni hẹ zẹ vbene u gele ka wa ru dee vbe ẹmwata.

III Jọn 1:3 ပူးပေါင်းရင်းမြစ်များ

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

I Kọrinti 13:6

Ẹko aho ẹmwẹ ọmwa i rhiẹnrhiẹn ye ọkhọ, sokpan emwi ẹmwata ọre ọ sẹ ọre ọyẹnmwẹ.

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

Filipai 1:4

Ẹghẹikẹghẹ ne I rhirhi a ya na erhunmwu ne uwa, ẹko ọyẹnmwẹ ọre I ya na ẹn.

II Jọn 1:2

Rhunmwuda wẹ, ẹmwata rre uwu ima nẹ, ọ gha vbe gu ima gha rrọọ rhinrin ẹdẹ.

II Jọn 1:4

Umiẹn vbene ẹko rhiẹnrhiẹn mwẹ uan hẹ, vbe I miẹn wẹ eso vbe avbe ivbi uẹ rrọọ vbe uwu ẹmwata zẹ vbene Evbavba yi ẹre iyi ne ima.

III Jọn 1:10

Rhunmwuda ọnii, ẹghẹ ne I gha ya rre, I gha mu ẹmwẹ emwi ne ọ ru hia tuorre, ẹmwẹ ihin ne ọ talọe vbe ekpa mwa, kevbe avbe ohoghe ne ọ ta, sokpan, ọ ni ma yevbe sẹ ọe, avbe etẹn gha rre, ẹ i vbe miẹn iran yi, ọ ghi gha de avbe emwa ni te ho ne iran rhan obọ miẹn iran obọ yi, ọ ghi gha hia ne ọ khulo iran hin esọsi rre.

III Jọn 1:2

Ọse mwẹ ne ọ ghan, I na erhunmwu ne agbọn gha ma ruẹn, kevbe ne egbe rran ruẹn ẹsẹse zẹ vbene I rẹnrẹn wẹ egbe rran ruẹn vbe uwu ekhọe.

III Jọn 1:4

Emwi ọkpa i rrọọ ne ọ ghi ya ẹko mwẹ rhiẹnrhiẹn gberra ọnii vbe i họn wẹ ivbi mwẹ wa rrọọ vbe uwu ẹmwata nii.

III Jọn 1:5

Ọse mwẹ ne ọ ghaan, u mobọ wa mu aro ye ẹmwẹ iwinna ne u winna ne avbe etẹn, uhin vbe a vbe miẹn wẹ, erriọvbe ọre iran khin.