Hozia 9:9 - Edo Bible (E Baibol Ẹdo) Version 1996

⁹ Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

Hozia 9:9 ပူးပေါင်းရင်းမြစ်များ

Ẹksọdọs 32:7

E Nọyaẹnmwa keghi tama e Mosis wẹẹ, “Zẹgiẹ tuorre, rhunmwuda avbe emwa ruẹn ne u viọ ke Igipt gha dee fa egbe ua nẹ, iran he mwẹ ye otọ.

Aizaia 24:5

Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Aizaia 31:6

Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Jerimaia 14:10

E Nọyaẹnmwa keghi kha vbekpa avbe emwa na wẹẹ, iran ho ne iran gha lẹ mẹ, iran i sẹtin mu egbe iran yọghọ rhunmwuda ọnii, ẹko iran i rhiẹnrhiẹn mwẹ. I gha ye avbe amaruẹse iran rre, I gha rri iran oya ye orukhọ iran.’ ”

Ezikiẹl 21:28

“Ovbi ọmwa, guan zẹvbe akhasẹ, ta ẹe ladian wẹ mẹ ne Nọyaẹnmwa ne Udazi ọ re ọ tama ivbi Amọn ni kpa unu ghe Izrẹl, tama iran wẹẹ, ‘Umozo mu egbe nẹ ọ ra ya fuẹn emwi. A kpee ẹe nẹ ọ gha gbe emwi, ne ọ gha fi wain zẹ vbe ayan,

Hozia 10:9

E Nọyaẹnmwa khare wẹẹ, “Avbe ivbi Izrẹl ma he dobọ orukhọ ne a ru ghe mwẹ yi, kevbe ne iran ya rukhọ vbe Gibea gha dee. Rhunmwuda ọnii, e Gibea ọ re okuo ra na ya khu iran mu.

Hozia 4:9

“Oya ne a gha rri emwa ni re ọ re a gha vbe rri uwa ẹre! I gha rri uwa oya, I ghi vbe ru ẹe ne uwa ha osa emwi dan ne uwa ru.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Hozia 7:2

Ọ ma vbe la iran uhunmwu wẹ, I gha ye avbe emwi na rre, sokpan orukhọ iran gba ogba ga iran, ẹ i mwẹ mẹ ma bẹghe ẹre.”

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Hozia 9:8

Te Osanobua gie mwẹ zẹ vbe akhasẹ ne I do tama ivbi Izrẹl yotọ khẹ ọ dee. Sevba, eheikehe ne I rhirhi a la, wa ghi gha ho ne uwa ya ifi mu mwẹ zẹ vbe ahianmwẹ. Emwa ọrọre oghian avbe akhasẹ vbe otọe Osanobua tobọ ẹre.

Zẹfanaia 3:7

I te gha ro wẹ emwa mwẹ gha rhunmwuda ọnii da mẹ, ne iran rhan obọ miẹn emwi enọrẹn enegbe ne ima iran re, wẹ iran i ra mianmian emwi ne I ma iran re ẹdẹ. Sokpan, wanwanna, iran keghi wa suẹn gha ru emwi dan ne iran ka ru de yi.”

Giọgis 19:12

Sokpan, arowa ẹre keghi kha wẹẹ, “Ẹvbo ne ẹ i re ọghe ivbi Izrẹl ọ re ima gha na yakọ ra? Ma gha gberra sikẹ odaro ne a ya gbe asọn na vbe Gibea ra Rama.”

Giọgis 19:16

Vbe ẹghẹ ne a kha na, ediọnmwa ọkpa kegha dee, ọ winna iwinna ẹdẹ hoho nẹ vbe ugbo. Ẹvbo oke Ifreim ọ re ọ ke rre vbe okaro, sokpan Gibea ọ re irẹn ghi yin. (E Bẹnjamin ọre emwa ni rre evba ke rre.)

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”

Giọgis 20:43

Ivbi Izrẹl keghi ke iran ye ako, iran na khu iran vbe ne a i na vbe yakọ ya sẹ ihe ọkpa vbe a ghi bu e Gibea, iran na gha gbele iran vbene iran khian nii.