Hozia 9:4 - Edo Bible (E Baibol Ẹdo) Version 1996

⁴ Iran i ra sẹtin gha ye ayọn ha oko gie Nọyaẹnmwa vbe ẹvbo ẹrrẹe, ra ne iran vbe gha zọ ese iran gie ẹe. Evbare iran gha si awua ye ọmwaikọmwa ne ọ rhirhi a rri ọe egbe, zẹ vbe evbare ne a re vbe irorinmwi. Te iran ra ya ẹe gbe ohanmwẹ kẹkan, ọkpa ne a ra rhie la Ọgua Osa e Nọyaẹnmwa zẹ vbe emwi imuohan, ẹ i rrọ.

Hozia 9:4 ပူးပေါင်းရင်းမြစ်များ

Ẹksọdọs 29:40

Nokaro ne ọ rrọọ, u ghi ya ẹe zọ ese ba ọduẹki ẹlubọ enẹ ne a ya ago ofigbọn oliv ne a ma gua eha gbe. U ghi sa ukpu ayọn eha kua zẹ vbe izọhẹ emwi na a da.

Ẹksọdọs 40:23

Ọ keghi vbe mu ebrẹd ne a ya zẹ ọhẹ gie Nọyaẹnmwa yan rẹn, zẹ vbene Nọyaẹnmwa tama rẹn.

Aizaia 57:6

Wa viọ okuta ikpẹbọ ke evba gha dee, wa ghi ya gho iran zẹ vbe ẹbọ. Wa ghi gha sa ayọn ye otọ zẹvbe emwi ne a ya zọ ese ghe iran, wa ghi vbe gha viọ ọka gie iran vbe emwi izọ ese. Wa yayi wẹ avbe emwi na yẹ mwẹ ra?

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Jerimaia 16:7

A i miẹn ne ọ gha gu ọmwa rri evbare ra ne ọ guee da ne ọ ya fu ẹre ẹko rre vbe ọmwa a wu ẹe. Ne ọ ra mwẹ itohan i rrọọ, ọ gha re te erha wu ọmwa ra iye ọ re ọ wu ẹe.

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Ezikiẹl 24:22

Ẹghẹ nii wa gha ru vbene I ru na. Wa i ra viọ emwi gue aro ra ne uwa rri evbare ne iran ni miẹn akhiẹ re.

Daniẹl 1:8

E Daniẹl keghi wa yan yọ wẹ rẹn i ra ya egbe hẹ awua vbekpa ne irẹn gha na rri evbare kevbe ne irẹn vbe gha da ayọn ẹguae, ọ keghi rhunmwuda ọnii rinmwian Aspenaz wẹ ne ọ ru iyobọ ne irẹn.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Hozia 7:16

Iran keghi wa gha fi iyeke gbe mwẹ iran na gha lẹ bu ẹbọ ne ẹ i mwẹ ẹtin rhọkpa yo. Zẹ vbene uhanbọ ne ọ gọe ye, ne ẹ i na gia mu ẹtin yan, erriọ ọre iran ye. Rhunmwuda ẹmwẹ uhiomwẹ ne iran ta, avbe ọkaolotu iran gha wulo uwu dan, ivbi Igipt ghi vbe gha giẹ.”

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.

Joẹl 1:9

Ayọn ra ọka ne a ya mu ohan vbe Ọgua Osa i ghi rrọọ; avbe ohẹn gha khiẹ, rhunmwuda iran i miẹn emwi ya ha oko gie Nọyaẹnmwa.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Levitikọs 17:11

Arrọ ọghe emwikemwi ne ọ ghi rre agbọn nẹ, esagiẹn ọre ọ ye, ọnii ọ zẹe ne Nọyaẹnmwa na ta ẹe wẹ ne a gha da esagiẹn hia ye uhunmwu aka ne ọ kpe orukhọ emwa nii kua. Te esagiẹn kpe orukhọ kua.

Levitikọs 21:17

ne ọ tama Errọn wẹẹ, “A ghẹ gie ne egbe ma gba na vbe uwu ivbi uẹ zẹ ọhẹ evbare gun mwẹ. A ghi da uhi na yi rhinrin ẹdẹdẹmwẹdẹ.

Levitikọs 21:21

A ghẹ gie ivbi uniẹn Errọn ne ohẹn ne egbe ma gba na zẹ ọhẹ evbare mẹ.

Levitikọs 21:6

Ọ kere ne ọ gha re ne ọ huanrẹn ne ọ ghẹ fa eni mwẹ uan. Ọ ya evbare zẹ ọhẹ mẹ rhunmwuda ọnii, ọ kere ne ọ huan.

Levitikọs 21:8

Ọ kere ne emwa hia rẹn ohẹn ye ọmwa ne ọ huanrẹn rhunmwuda rẹn ọ ya evbare zẹ ọhẹ mẹ. Mẹ ọ re Nọyaẹnmwa ọmwa ne ọ huanrẹn mẹ khin, mẹ ọ re ọ vbe ya emwa mwẹ khian ne ọ huanrẹn.

Emọs 5:22

Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Malakai 2:13

Wa ghe emwi ọvbehe ne uwa vbe ru. Wa ye ameve uwa ro gue Ogiukpo Osanobua mu otọ, wa gha viẹ, wa gha kpe orhu eve rhunmwuda ighẹ e Nọyaẹnmwa i ghi rhan obọ miẹn emwi ne uwa ya ha oko gie ẹe.

Nọmbas 19:11

Ọmwa ne ọ yobọ kan ọmwa ne ọ wu nẹ, ghi gha re ne awua gue la ikpeedẹ ihinrọn.

Nọmbas 28:2

ne ọ tama ivbi Izrẹl wẹ ne iran gha viọ emwi izẹ ọhẹ evbare gie Nọyaẹnmwa vbe ẹghẹ ne a zẹ yọ, zẹ vbe ne ọ yẹ ọre.

Nọmbas 4:7

“Iran ghi mu ukpọn ne raghoragho rhu eteburu ọghe ebrẹd ne a ya zẹ ọhẹ gie Nọyaẹnmwa a ghi viọ avbe ọkpan yan rẹn, kevbe ọkpan ọghe eturari, avbe ọkpan izẹhẹ kevbe esago ayọn ne a ya zẹ ọhẹ.

Iyẹn ne ọ Maan Ọghe Jọn 6:51

Mẹ ọrọre evbare ẹfe ne ọ ke ẹrinmwi rre: ọmwa ne ọ rhirhi rri evbare na, ọ gha rre agbọn ẹdẹdẹmwẹdẹ. Nene evbare ne I khian rhie nẹẹn ọrọre efun egbe mwẹ ne imẹ ya fi ohan, ne agbọn miẹn ehe na miẹn uhunmwu.”

Diuteronomi 26:14

I ma re vbọ vbe ẹghẹ a khiẹ, I ma vbe rhie vbọ ladian vbe owa vbe awua gue mwẹ. I ma vbe rhie vbọ ya fi ohan ne avbe orinmwi. I wa ru vbene u khare. Osanobua mwẹ I vbe ru emwi hia ne u khare vbekpa aghae ye ihigbe.