Hozia 9:14 - Edo Bible (E Baibol Ẹdo) Version 1996

¹⁴ Demwi ne I ra wẹ ne u ru avbe emwa na re yi? Ye avbe amwẹ iran khian agan. Ru ẹe ne a miẹn wẹ iran ma ghi sẹtin koko ivbi iran.

Hozia 9:14 ပူးပေါင်းရင်းမြစ်များ

Job 21:10

Ẹn, ẹmila iran ghi gha muan yọ, ehia ghi gha biẹlẹ vbene ọlọghọmwa i na rrọọ.

Ẹksọdọs 23:26

Egbe i ra gu okhuo ro vbe ẹvbo uwa, a i ra vbe miẹn agan vbọ. I gha rhie ẹdagbọn ne ọ taẹn ne uwa.

Hozia 9:11

Ukpọlọmwẹ Izrẹl gha tin fua zẹ vbe ahianmwẹ, iran i ghi ra vbe miẹn emọ biẹlẹ, a i ra ghi vbe miẹn ikhuo ohanmwẹ vbọ, a i ghi ra vbe hanmwa emọ vbọ.

Hozia 9:13

E Nọyaẹnmwa, mẹ bẹghe ẹre vbe a zọ uhio ivbi iran khian, a na vbe gha gbele iran an.

Hozia 9:16

Ivbi Izrẹl ye vbe erhan ne inian rẹn kakaa nẹ, ne ẹ i ghi vbe sẹtin mọ. Iran i ra vbe mwẹ emọ sokpan, adeghẹ iran kue vbe miẹn biẹlẹ yi, te I ra gbele iran, nene emọ ne iran kakabọ ho ẹmwẹ ọnrẹn.”

Matiu 24:19

U miẹn vbene ogha ba so ikhuo-hanmwẹ kevbe ne emobọ gue hẹ ẹdẹnẹdẹrriọ.

Iyẹn ne ọ Maan Ọghe Mak 13:17

Umiẹn vbe ọ gha ba so ikhuo ohanmwẹ kevbe ne emobọ gue hẹ ẹdẹ ne ẹdẹrriọ.

Iyẹn ne ọ Maan Ọghe Luk 21:23

U miẹn vbe ọ gha ba so ikhuo ni hanmwa kevbe ni mwẹ emọ obọ hẹ ẹdẹ ne ẹdẹrriọ. Akhiẹ ne ọ muohan gha la otọ na, izohu Osanobua gha fi iran ne emwa rẹn emwi.

Iyẹn ne ọ Maan Ọghe Luk 23:29

Rhunmwuda, ẹdẹ dee ne emwa gha kha wẹẹ, ‘I ma kan iran ne ikhuo ne ẹ i mwẹ emọ, iran ni ma biẹ hiehie kevbe iran ni ma koko emọ!’

I Kọrinti 7:26

A gha do ghe ẹko rriaramwẹ ne ọ rrọọ ẹghẹ na, mẹ yayi wẹ okpia hẹ ko ziengbe ye ihe ne ọ ye ọre ọ maa sẹ.

Diuteronomi 28:18

“E Nọyaẹnmwa gha fi uwa unu vbene a gha na miẹn wẹ emọ ibozẹghẹ ọre ọ khian rhie ne uwa, emwiokọ ọwuẹ kevbe ẹmila ibozẹghẹ.