Hozia 9:13 - Edo Bible (E Baibol Ẹdo) Version 1996

¹³ E Nọyaẹnmwa, mẹ bẹghe ẹre vbe a zọ uhio ivbi iran khian, a na vbe gha gbele iran an.

Hozia 9:13 ပူးပေါင်းရင်းမြစ်များ

II Ọba 15:16

E Menahem ghi ke Tiza dee, ọ na wa dunmwu ẹvbo ne a tie ẹre Tapua sẹ otọ, kevbe emwa ni rrọọ kevbe ẹvbo ni lẹga ẹre hia rhunmwuda ẹvbo nii ma de igue ne ẹẹn. Uhin ighẹ te ọ va avbe okhuohanmwẹ ẹko.

Job 27:14

Iran sẹtin gha mwẹ emọ ikpia nibun sokpan, okuo ọre iran gha na gbele ehia a. Ivbi iran ma he miẹn evbare re ne ẹko vuọn ẹdẹ.

Jerimaia 7:15

I gha khulo uwa hin odaro mwẹ rre, zẹ vbe ne I vbe khulo avbe etẹn uwa ladian ighe ivbi Izrẹl. Mẹ ne Nọyaẹnmwa ọ re ọ tae.”

Jerimaia 9:21

Uwu la ewindo ima la owa nẹ, ọ keghi la avbe ẹguae ima ọ gbele emọ negiẹrẹ vbe orere mwa kevbe avbe igbama vbe ẹki.

Eve Orriara 2:22

Wẹ ọ re ọ gie ne a tie avbe eghian mwa ne iran do do ugie iba ne ọ mu ohan, lẹga mwẹ orhiọnkpa i rrọ ne ọ miẹn uhunmwu vbe ẹdẹ ne ohu mu uwẹ. Iran gbele mwẹ emọ ne I ho ẹmwẹ ọnrẹn ne imẹ koko wan nẹ.

Ezikiẹl 27:3

ẹvbo nii ne ọ yin ọkpẹn okun, ne ọ vbe re ne irẹn vbe emwa ni yin eghute hia gba do ẹki miẹn egbe. Tama rẹn vbene e Nọyaẹnmwa ne Udazi khare na: “E Taia, te u gha ya ose ruẹ ne ọ nọnọ ghagha.

Hozia 10:14

okuo gha bu emwa ruẹn rre, a gha vbe guọghọ avbe ẹvbo ruẹ ne a gbe odin ga hia. Te ọ ra yevbe ẹdẹ ne Sialmaa ne Ọba dunmwu ore Betabẹl vbe okuo, ne a na vbe dunmwu emọ kevbe iye iran an.

Hozia 13:16

Te a gha rri e Sameria oya ye ne ọ na sọtẹ mwẹ. Emwa rẹn gha wulo ye okuo, a gha viọ avbe emobọ fianmwẹ otọe, a ghi va avbe ikhuohanmwẹ ẹko.”

Hozia 13:8

I gha gu uwa gbinna zẹ vbe akpakomiza ne ọ ma ghi miẹn ivbi ẹre, I ghi yanghan uwa hẹkua. I gha yanghan uwa re ye ihọkpa nii zẹ vbe oduma, I ghi vbe yanghan uwu ukhiọnmwu khiọnmwẹ zẹ vbe aranmwẹ akọn.

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 9:16

Ivbi Izrẹl ye vbe erhan ne inian rẹn kakaa nẹ, ne ẹ i ghi vbe sẹtin mọ. Iran i ra vbe mwẹ emọ sokpan, adeghẹ iran kue vbe miẹn biẹlẹ yi, te I ra gbele iran, nene emọ ne iran kakabọ ho ẹmwẹ ọnrẹn.”

Emọs 7:17

Rhunmwuda ọnii nian, Amezaia, e Nọyaẹnmwa tama ruẹn wẹẹ, ‘Amwọn gha khian ebabotu ye ughe. A gha gbele ivbuẹ ua vbe okuo. A gha gia otọe ruẹ, a ghi munọ ọẹn ne emwa ọvbehe, wẹ tobọ ruẹ ghi ya wu ye ẹvbo iran ni gho ẹbọ. Vbene a i na gbe awẹawẹ, a gha viọ ivbi Izrẹl kpao vbe otọe iran gha rrie iwe.’ ”