Hozia 7:15 - Edo Bible (E Baibol Ẹdo) Version 1996

¹⁵ “A gha rhe miẹn wẹ mẹ ọ re ọ koko iran wan, I na vbe ru ẹe ne iran wegbe, iran keghi ya gha si uma ọkhọ ghe mwẹ.

Hozia 7:15 ပူးပေါင်းရင်းမြစ်များ

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

II Ọba 13:5

E Nọyaẹnmwa keghi gie ọkaolotu gie Izrẹl ọ na do miẹn iran fan hin obọ ivbi e Siria rre. Izrẹl keghi vbe do gha rrọ vbe ọfumwegbe vbene iran ka ye de yi.

Job 5:17

“Afiangbe nọ ne ọmwa ne Osanobua dia ye odẹ, ọ gha guẹ gui, ghẹ khiẹkhiẹ egbe yọ.

Psalm 140:2

Uma dan ọ re iran si vbe ẹghẹ hia, iran ghi gha si ẹmwẹ rre ugbugbẹhia.

Psalm 2:1

Vbọzẹ ne avbe agbọn ẹvbo na si uma isọtẹ yi? Vbọzẹ ne emwa na vbe si uma akuọkan iran.

Psalm 62:3

Inu ẹghẹ ọre uwa na hia ra ya gha gun orhunmwu okpa kẹkan khọn yi ọmwa ne ọ ma ghi wegbe sẹ ogha ne ọ guọghọ gbotọ nẹ?

Psalm 94:12

Nọyaẹnmwa, afiangbe nọ ne ọmwa ne uwẹ ma ẹre emwi, ọmwa ne uwẹ ma ẹre uhi ruẹ!

Itan 3:11

Ovbi mwẹ, e Nọyaẹnmwa gha dia ruẹ, kakabọ danmwehọ, u ghi vbe rhie ẹre zẹ vbe ẹmwẹ ne a tama ọmwa yotọ.

Jerimaia 17:9

Gha ọ gha sẹtin rẹn otọ vbene ekhọe ọmwa nagbọn ye hẹ? Emwi ọvbehe ne ọ rẹrẹ ọmwa vbe ne irẹn ye i rrọ ọ khuọnmwi gberra ne ọ gie sinmwi nẹ.

Hozia 13:9

“I gha fuẹn uwa ne ivbi Izrẹl ua! De Ọmwa ne ọ ghẹ ghi sẹtin ru iyobọ ne uwa?

Nahum 1:9

De uma ne uwa si ghe Nọyaẹnmwa yi? Ọ gha fuẹn uwa a. A i miẹn ne ọ sẹtin gbe odan ghe ẹre gberra uhukpa.

Iwinna 4:25

Vbekpa Orhiọn Ne Ọ Huanrẹn, wẹ la unu erha mwa odede ighẹ Devid ne ọguọmwadia ruẹ ta ẹe wẹẹ, “ ‘Vbe ọ si okuosu ye avbe Ni ma yayi egbe yi? Vbe ọ ye avbe emwa gha si uma ne ẹ i gba yi?

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

II Kọrinti 10:5

Ma guọghọ ẹe sẹ otọ ighẹ emwi idobo ọghe uhiomwẹ ne emwa mu ye odẹ irẹnmwi Osanobua, ma munọ iro ekhọe hia oghunmwu, a na ye iran uhunmwu rhanmwẹ otọ ne Kristi.

Hibru 12:5

Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.