Hozia 6:2 - Edo Bible (E Baibol Ẹdo) Version 1996

² Vbe ọ te ya sẹ ikpẹdẹ eva ra eha, ọ ghi gua ima kpao, ma ghi ya gha rre ehe ne irẹn ye.

Hozia 6:2 ပူးပေါင်းရင်းမြစ်များ

Gẹnẹsis 17:18

Ọ keghi nọ Osanobua wẹẹ, “I wẹ ne u gie Ismẹl gha re ne ọ gha rri ukhu mwẹ.”

II Ọba 20:5

wẹ ne ọ werriegbe bu e Hẹzekaia gha khian ya khama rẹn wẹẹ, “Mẹ ne Nọyaẹnmwa, Osanobua ọghe Devid ne erha a odede họn erhunmwu ruẹn, I vbe miẹn ameve ruẹ. I gha mu uẹn egbe rran, u gha yo Ọgua Osa irakhuẹ.

Psalm 61:7

Gi ẹe gha khaemwisẹ vbe Siria ruẹ ẹdẹdẹmwẹdẹ. Osanobua ya iho ruẹ ne ẹ i beghe, kevbe aguobọmwa ruẹn degue ẹre.

Psalm 71:20

U si ọlọghọmwa kevbe usẹ yọmwẹ egbe, sokpan, u gha rhie ẹtin mwẹ dọlegbe mẹ, u gha mu mwẹ lẹ ne idin.

Asan-Ibo 3:3

ọ rhie ẹghẹ yọ ne a ya gbe ua, ọ rhie ẹghẹ yọ ne a ya sinmwi, ọ rhie ẹghẹ yọ ne a ya siẹn emwi sotọ, ọ rhie ẹghẹ yọ ne a ya bọ ẹe, ọ rhie ẹghẹ yọ ne ẹko ya rriara, ọ rhie ẹghẹ yọ ne ẹko ya rhiẹnrhiẹn,

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 30:26

Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Hozia 7:2

Ọ ma vbe la iran uhunmwu wẹ, I gha ye avbe emwi na rre, sokpan orukhọ iran gba ogba ga iran, ẹ i mwẹ mẹ ma bẹghe ẹre.”

Iyẹn ne ọ Maan Ọghe Jọn 14:19

Ọ ke ekherhe nian, agbọn na i ghi ra miẹn mwẹ ọvbehe, sokpan wa gha miẹn mwẹ, debare, rhunmwuda ighe mẹ rrọọ, wa gha vbe gha rrọọ.

Ebe ne Pọl gbẹẹn gie emwa Rom 14:8

A deghẹ te ima vbe wu, Nọyaẹnmwa ọre ima wu na. Rhunmwuda ọnii, ọ re te ima wu ra te a rre agbọn, ọghe Nọyaẹnmwa ọre ima khin.

I Kọrinti 15:4

Wẹ a re ẹre, a keghi vbe dọlọ huẹn ọnrẹn kpaegbe vbe ikpẹdẹ ne ogieha zẹ vbene a gbẹn ọẹn ye Ebe.