Hozia 5:8 - Edo Bible (E Baibol Ẹdo) Version 1996

⁸ Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Hozia 5:8 ပူးပေါင်းရင်းမြစ်များ

II Samuẹl 21:6

Rhunmwuda ọnii, viọ ihinrọn ne ima vbe uwu avbe ivbi ẹre ni ikpia, ma ghi silo iran rrọ vbe odaro e Nọyaẹnmwa vbe Gibia ne ẹvbo e Sọl ne ọba ne Nọyaẹnmwa hannọ zẹ.” Ọba keghi wanniẹn wẹẹ, “I gha viọ iran ne uwa.”

I Ọba 12:29

Ọ keghi mu ọkpa vbe ẹmila igoru ni ye Bẹtẹl, ọ keghi mu e nọkpa ye Dan.

Aizaia 10:29

Iran fian uwu rra nẹ, iran ra hẹwẹ la asọn ni vbe Geba! Ohan mu emwa ni rre Rama, emwa ni rre Gibea ne ẹvbo e Sọl lẹ kua.

Jerimaia 4:5

Wa si orhu la otọe nii hia! Wa kporhu ne ọ la ke ne ọ gia họn! Wa tama ivbi e Juda kevbe ivbi e Jerusalẹm ne iran lẹ gha rrie ẹvbo ne a gbe odin gaa.

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Hozia 8:1

E Nọyaẹnmwa khare wẹẹ, “Wa kpe orhu okuo! Avbe eghian wa hẹ bu otọe mwẹ dee zẹvbe avbe oghohọn. Avbe emwa mwẹ rra ile ne imẹ vbe iran gba ta nẹ, iran keghi vbe sọtẹ ghe emwi ne I ma iran re.

Hozia 9:9

Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

Joẹl 2:1

Wa kpe okpe, wa si orhu okuo vbe Zaiọn ne oke nọhuanrẹn Osanobua. Wa gha guọ ivbi e Juda! Ẹdẹ e Nọyaẹnmwa dee ẹgiẹgiẹ.

Joẹl 2:15

Wa kpe okpe nii vbe Oke Zaiọn tama emwa wẹ ne ehia gha rrie aguẹ, ne u tie emwa si koko.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Jọsua 7:2

E Jọsua keghi ke Jẹriko gie emwa eso gha rrie Ai, ne ẹvbo ne ọ rre olarre owẹn Bẹtẹl vbe ọkpẹn Betava. Ọ keghi tama iran ne iran ya ba ẹvbo nii ghe. Ẹre emwa nii na gele gha khian ya ba Eai ghe.

Giọgis 5:14

iran ke Ifreim gha di uwu iya. Vbe iyeke ẹwae Bẹnjamin kevbe emwa rẹn. Makẹ ọ re iran ni ghae okuo ni rrọọ kegha dee avbe olotu ke Zẹbulọn gha dee,

I Samuẹl 15:34

Ẹre Samuẹl na gha rrie Rama. E Sọl ne ọba kevbe gha rrie owa vbe Gibea.

I Samuẹl 7:17

Iyeke onii ọ ghi vbe gha rrie Rama ne ẹvbo ẹre, ọ ghi vbe ya bu ohiẹn vba. Ọ keghi bọ aka ọkpa ne Nọyaẹnmwa vbe Rama.

I Samuẹl 8:4

Avbe ọkaolotu Izrẹl hia keghi si koko, iran na bu e Samuẹl gha rrie Rama,