Hozia 5:15 - Edo Bible (E Baibol Ẹdo) Version 1996

¹⁵ “I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Hozia 5:15 ပူးပေါင်းရင်းမြစ်များ

Gẹnẹsis 42:21

Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

II Krọnikol 7:14

Adeghẹ iran na erhunmwu ghe mwẹ, iran na fi uyinmwẹ werriẹ, iran zobọ vbe emwi dan ne iran te ka ru, I gha họn urhu iran vbe ẹrinmwi I ghi ya orukhọ iran bọ iran I ghi dọlegbe ye otọ iran khian ne ọ maa.

Job 33:27

Ọ ghi ta ẹe ne agbọn họn wẹẹ, ‘I rukhọ. I ma ru vbene ọ kere, sokpan, Osanobua ye miẹn mwẹ fan.

Psalm 107:13

Ẹre iran na kpe tie Nọyaẹnmwa vbe uwu ọlọghọmwa iran ni, ọ keghi miẹn iran fan hin usẹ iran rre.

Psalm 107:19

Ẹre iran na kpe tie Nọyaẹnmwa vbe uwu ọlọghọmwa iran, ọ keghi miẹn iran fan hin usẹ iran rre.

Psalm 107:28

Ẹre iran na kpe tie Nọyaẹnmwa vbe uwu ọlọghọmwa iran, ọ keghi miẹn iran fan hin usẹ iran rre.

Psalm 107:6

Ẹghẹ nii, vbe uwu ọlọghọmwa iran, iran keghi da tie Nọyaẹnmwa, ọ keghi miẹn iran fan hin usẹ iran rre.

Psalm 132:14

“Ehe ne I ra gha ye ẹdẹdẹmwẹdẹ ọ re ọna khin, ehe ne I ho ne I na gha khaemwisẹ nọ.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 78:34

Ọ gha gbele eso vbe uwu iran, nekpa ghi zẹgiẹgiẹ lẹ bu ẹre rre, iran ghi ro iro fi uyinmwẹ werriẹ, iran ghi gha na erhunmwu akekhọerre ghe ẹre.

Psalm 83:16

Ya ekhue gue iran aro Nọyaẹnmwa, ne u gie iran miẹnkue wẹ, u mwẹ ẹtin.

Itan 8:17

I ho ẹmwẹ iran ni ho ẹmwẹ mwẹ, ọmwaikọmwa ne ọ gualọ mwẹ gha miẹn mwẹ.

Aizaia 18:4

E Nọyaẹnmwa tama mwẹ wẹẹ, “I gha hẹko gbaro ghe otọ ke ẹrinmwi rre zẹ vbene evbu ya si koko vbe asọn vbe ẹghẹ emwiorhọ nọ mwẹ ọghae kherhekherhe kevbe zẹ vbene ovẹn gbe ẹkun sotọ yunmwu vbe ẹghẹ ogiavan.

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Aizaia 26:9

Vbe asọn, I ya ekhọe gualọ uwẹ khian; wẹ gha bu ohiẹn agbọn kevbe emwa ni rrọọ iran gha rẹn emwi ne a ya ohiẹn ẹmwata kha.

Jerimaia 2:27

Erriọ ọ re a ra ya oya ne uwa ni kha wẹ erhan ọrọre erha uwa, okuta ọrọre iye uwa. Erriọ ọre ọna ra sunu rhunmwuda, wa fi iyeke gbe mwẹ vbe ọ te kei ne uwa bu mwẹ gha dee. Sokpan, wa gha rre uwu ibaro, wa ghi wẹ ne I do miẹn uwa fan.

Jerimaia 3:13

Sokpan, u ghi miẹnkue wẹ, wa rriabe kevbe wẹ wa sẹmwẹ e Nọyaẹnmwa ne Osanobua uwa. Miẹnkue wẹ u rhie aho ruẹ ne avbe ẹbọ ẹrrẹe vbe ototọ erhan ni mwẹ ebe ni bii hia kevbe wẹ u ma ya ẹmwẹ mwẹ ru emwi. Mẹ ne Nọyaẹnmwa ọ re ọ tae.

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Eve Orriara 3:40

Wa gie ima ghe vbene ima yin hẹ, ne a fiwerriẹ bu e Nọyaẹnmwa.

Ezikiẹl 10:4

Uwanmwẹ ne ọ gbe ebiebi ye ọmwa aro nii, ne a ya rẹn ighe Osanobua rre evba, keghi ke ehe ne avbe aranmwẹ na ye kpao, ọ na laghe onurho Ọgua Osa, okuku nii keghi gba uwu Ọgua Osa, ẹghodo keghi vuọn ne uwanmwẹ ne wainwain.

Ezikiẹl 11:23

Uwanmwẹ ne yanyanyan nii keghi kpao vbe ore ẹvbo rre, ọ keghi laghe uhunmwu oke ne ọ rre odẹ ahọ vbọ.

Ezikiẹl 20:43

“Ẹghẹ nii, wa gha na do ye avbe emwiekhue ne uwa ru hia rre, ke vbene uwa mu awua ye egbe uwa egbe hẹ. Egbe uwa gha sọnnọ uwa, rhunmwuda emwi dan hia ne uwa ru.

Ezikiẹl 36:31

Wa gha ye avbe uyinmwẹ dan kevbe abakuru ne uwa ru rre, ohu egbe uwa ghi gha mu uwa, rhunmwuda orukhọ kevbe uyinmwẹ dan uwa.

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Ezikiẹl 8:6

Osanobua keghi tama mwẹ wẹẹ, “Ovbi ọmwa, a deghẹ u miẹn emwi ne ọ sunu? Ghe emwi ni hu ọmwa ẹko ne ivbi Izrẹl ru vbe emwa na, iran wa dọlegbe khu mwẹ khian rrei vbe ehe nọhuanrẹn mwẹ. U gha ye miẹn emwi ni ru ọghe emwiekhue sẹ ọna.”

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Hozia 5:6

Iran munọ ohuan kevbe ẹmila iran ne iran ya zọ ese ghe Nọyaẹnmwa, sokpan, ẹ i ruẹ ne iran. Iran i sẹtin miẹn ọẹn rhunmwuda, rẹn kpao sẹ iran rae nẹ.

Maika 1:3

Ehe nọhuanrẹn ọghe ọe ọ re Nọyaẹnmwa gha kegha dee. Ọ gha tuorre, ọ ghi gha khian vbe uhunmwu avbe oke ni yo.

Nọmbas 21:7

Emwa ni keghi bu e Mosis gha dee, iran tama rẹn wẹẹ, “Ma ru orukhọ ne ima na gha filo unu gie Nọyaẹnmwa kevbe uwẹ. Banbanna nian, na erhunmwu ghe Nọyaẹnmwa ne ọ viọ avbe ẹyẹn kpao.” Ẹre Mosis na na erhunmwu ne emwa nii.

Iyẹn ne ọ Maan Ọghe Luk 13:25

Ọdafẹn ne ọ yan owa gha guakpao, ọ ghi ya khui urho, ẹghẹ nii, wa ghẹ ghi mudia ye ore gha tie, ‘Enọwanrẹn, kie ne ima!’ rẹn ghi wanniẹn tama uwa wẹẹ, ‘I ma rẹn ehe ne uwa ke rre.’

Giọgis 4:3

E Jabin kegha mwẹ ikẹkẹ okuo ema tọn iyisẹn yan uri enẹ (900) Ọ keghi ye ekhọe dan gha khaemwisẹ yan ivbi izrẹl, vbe uyinmwẹ ne ọ wegbe kevbe ọkhọ, la ukpo ugie. Ẹre ivbi Izrẹl na datie Nọyaẹnmwa ne ọ do yi iran obọ.