Hozia 13:15 - Edo Bible (E Baibol Ẹdo) Version 1996

¹⁵ Ọ gha khọn Izrẹl ne ọ vẹ gba ehe hia zẹ vbe irunmwu. I gha gie ẹhoho ne ọ tọn ne ọ ke odẹ ahọ ke uwu ato rre, ọ ghi do si uhae kevbe ivbi ẹzẹ iran hia ka. Ọ gha viọ emwi ne ọ ghi gia lo hia gha rrie.

Hozia 13:15 ပူးပေါင်းရင်းမြစ်များ

Gẹnẹsis 41:23

Osuọka ọka ihinrọn ọvbehe kevbe yuo ladian, iran ye hiahiahia, ẹhoho ato ke bọnmwọn ruan.

Gẹnẹsis 41:52

Ọ keghi vbe kha wẹẹ, “Osanobua viọ emọ gunmwẹ vbe ẹvbo ne I na miẹn ọlọghọmwa.” Ọ keghi he ovbi ẹre ne ukpogieva Ifreim.

Gẹnẹsis 41:6

Ẹre ọka ihinrọn ọvbehe na vbe ladian, ehia ye hiahiahia, ẹhoho ato keghi wa bọnmwẹ iran an.

Gẹnẹsis 48:19

Erha ẹe keghi he, ọ wẹẹ, “I rẹnrẹn ovbi mwẹ, I rẹnrẹn ivbi uniẹn Manasẹ gha vbe khian okpẹvbo, sokpan ọtiọnrẹn nekherhe gha kpọlọ sẹ ọre, ivbi uniẹn ọnrẹn gha vbe khian ẹvbo ni kpọlọ.”

Gẹnẹsis 49:22

Ekẹtẹkẹtẹ oha ọre Josẹf khin, ekẹtẹkẹtẹ oha ne ọ rre ọkpẹn ẹzẹ, ivbi e ekẹtẹkẹtẹ ni rre ọkpẹn oke.

Job 18:16

Inian kevbe abọ ẹre luẹluẹe, ọ vbe kaka a.

Psalm 1:4

Sokpan, avbe emwa dan i ye rrio hiehiere, iran yevbe ebe ne ọ kakae ne ẹhoho hoho khian.

Psalm 109:13

Te ivbi uniẹn ọnrẹn hia gha wulo, te eni ẹnrẹn gha gbe ẹro, hin ọghe orre ni dee rre.

Aizaia 14:21

Wa suẹn iran gha rẹnkhẹn uan! Ivbi ọba na gha wulo, rhunmwuda orukhọ ne avbe erha iran odede ru. Ọkpa vbe uwu iran ne ọ gha dọlegbe gha khaemwisẹ yan otọ agbọn i rrọọ, a ma ghi wẹ ne ọ bọlọ okpẹvbo vuọn otọ agbọn.”

Aizaia 17:13

Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 27:8

Te Nọyaẹnmwa rri emwa rẹn oya vbene ọ na hẹ iran gha rrie iwe. Okpẹhoho dan ne ọ ke ọlarre ovẹn rre, ọ re ọ ya hẹ iran kpao.

Aizaia 41:16

Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Jerimaia 20:5

I gha vbe gie avbe eghian iran fu iran ẹfe ni rre ẹvbo na viọ gha rrie, iran ghi vbe ya ẹtin viọ ẹfe ni rrọọ kevbe emwi ne iran mwẹ hia, ya sẹ egbe emwi ewe ọghe avbe ọba e Juda, iran ghi viọ emwi hia gha rrie Babilọn.

Jerimaia 4:11

Ẹghẹ dee, ne a gha na tama ivbi e Jerusalẹm ighe ẹhoho ne ọ kaka emwi ruan hoho ke odẹ ato bu iran dee. Ẹ i re ẹhoho ne wẹlẹẹ ne ọ hoho ihunhun kua kẹkan.

Jerimaia 4:12

Ẹhoho ne Nọyaẹnmwa ra gie rre gha wegbe sẹ ọnii ẹsẹse! E Nọyaẹnmwa tobọ ẹre ọ re ọ bu ohiẹn emwa rẹn.

Jerimaia 51:1

E Nọyaẹnmwa khare wẹẹ, “I ra gie ẹhoho omurhia gie Babilọn kevbe emwa ẹnrẹn.

Jerimaia 51:36

Ẹre Nọyaẹnmwa na tama ivbi e Jerusalẹm wẹẹ, “I gha mu ẹzọ ruẹ gui, I ghi vbe ru ẹe ne avbe eghian rri oya ye emwi ne iran ru uwa re. I gha si uhunmwu ẹzẹ e Babilọn ka, I ghi vbe gie avbe ẹzẹ ọre ka.

Ezikiẹl 17:10

Ẹmwata nọ wẹ a gbọ ẹre sokpan, ọ gha sẹtin gha rrọ ne ọ vbe wan ra? Ẹ i re te ọ ra luẹ luẹ vbe ẹhoho odẹ ahọ a dekun ẹnrẹn. Ẹ i re te ọ ra luẹluẹ ye ehe ne ọ na wan khian nii?”

Ezikiẹl 19:12

Sokpan avbe obọ ne ohu mu keghi sii ẹe vbọ, iran fi ẹe fi otọ. Ẹhoho odẹ ahọ keghi kaka ẹre ọmọ uan. Iran bunnọ ẹre abọ kua, ehia kaka a, a keghi gien ọnrẹn uan.

Daniẹl 11:8

Ọ gha viọ amazẹ avbe ẹbọ iran gha rrie Igipt, deba avbe emwi ne a ya igoru kevbe esiliva ru ne a ya gho avbe ẹbọ nii.

Hozia 10:1

Te ivbi Izrẹl te yevbe erhan azara ne ọmọ gba ẹre uhunmwu. Vbene emwi ya gha maa ne iran, erriọ ọ re iran ya gha bọlọ Ogiukpo yọ. Vbene emwiokọ iran ya gha maa yọ, erriọ iran ya gha te ẹre egbe yọ ighẹ avbe okuta ẹbọ ne iran gho.

Hozia 2:3

Adeghẹ ọ ma dobọyi, I gha bannọ ọẹn ruan ye irhunmwuirhun, egbe ne ọ gha ye vbe ẹdẹ ne a biẹ ọe. I gha ru ẹe ne ọ khian otọe ne ọ kae kevbe ne ọ dihoi rua. Ohanmwẹ amẹ ghi gbẹe rua.

Hozia 4:19

Iran gha kpolo iran gha rrie zẹ vbene ẹhoho ru, ẹmwẹ ese emwa ni ga ẹbọ ne iran zọ ghi do gha mu iran ekhue.

Hozia 9:11

Ukpọlọmwẹ Izrẹl gha tin fua zẹ vbe ahianmwẹ, iran i ghi ra vbe miẹn emọ biẹlẹ, a i ra ghi vbe miẹn ikhuo ohanmwẹ vbọ, a i ghi ra vbe hanmwa emọ vbọ.

Jona 4:8

Ugbẹn vbe ovẹn ghi yan rre nẹ, Osanobua keghi gie ẹhoho owẹn owiẹ ne ọ tọn ẹsẹse rre. Ovẹn ni ghi gbe e Jona uhunmwu, ekherhe ọ kere ne ọ wa lahin. Ọ keghi rhunmwuda ọnii gha kha wẹ rẹn kpa miẹn uwu, rẹn gha wa wu. Ọ wẹẹ, “I wa wu hin agbọn rre ọre ọ maa sẹ agbọn ne imẹ ye na.”

Nahum 2:9

Wa fu avbe esiliva viọ, wa fu igoru viọ. Ẹfe wa vuọn ẹvbo nii!

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”