Hozia 12:13 - Edo Bible (E Baibol Ẹdo) Version 1996

¹³ E Nọyaẹnmwa keghi giee akhasẹ ne ọ ya fannọ ivbi Izrẹl hin ọviẹn rre vbe Igipt, kevbe ne ọ gha gbearoghe iran.

Hozia 12:13 ပူးပေါင်းရင်းမြစ်များ

Gẹnẹsis 28:2

Mu egbe ne u do gha rrie Mẹsopotamia, ne u gha rrie owa Bẹtuẹl ne erha iyuẹ. U ghi rhie ọkpa vbe avbe ikhuo ni rre evba rọnmwẹ, ọkpa vbe uwu avbe emọ ikhuo Leban ne ọtẹn iyuẹ.

Gẹnẹsis 29:20

E Jekọb keghi ya ukpo ihinrọn ga ye Rekiẹl, ọ keghi yevbe ikpẹdẹ eso vbe aro ẹre rhunmwuda ọ ho ẹmwẹ ọnrẹn.

Psalm 77:20

U su emwa ruẹn gha khian zẹvbe ọsuohuan u keghi mu iwinna iran yan Mosis kevbe Errọn obọ.

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 14:19

Odibo Osanobua ne ọ karo ne ivbiyokuo Izrẹl keghi kpaegbe gha rrie odẹ iyeke, orre okuku ne ọ ke odaro ne iran keghi gberra ghe odẹ iyeke iran.

Hozia 11:1

E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Diuteronomi 26:5

Iyeke onii wa ghi kha vbenian vbe odaro e Nọyaẹnmwa: ‘Ovbi Aremia, ne ọkpolugho ne ẹ i mwẹ owa ọ re erha mwẹ odede gha khin vbe ọ viọ emwa ẹgbẹ ọ re gha rrie Igipt ne ọ ya yin evba, ibozẹghẹ ọ re iran khin vbe iran khian, sokpan iran keghi do khian okpẹvbo ne ọ digba kevbe ne ọ mwẹ ẹtin.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.