Hozia 10:5 - Edo Bible (E Baibol Ẹdo) Version 1996

⁵ Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 10:5 ပူးပေါင်းရင်းမြစ်များ

II Ọba 10:29

Sokpan, ọ keghi ye egbe ta orukhọ ne Jeroboam ru, ọmwa ne ọ si ivbi Izrẹl obọ fi ugamwẹ Ẹmila igoru ne ọ mannọẹn viọ gbọ ye Bẹtẹl kevbe Dan.

II Ọba 17:16

Iran keghi rra uhi e Nọyaẹnmwa ne Osanobua iran hia, iran na ya ematọn ru ẹkhuia ẹmila eva ne iran gha ghoo. Iran kevbe ma amazẹ Asiẹrra ne ẹbọ ne okhuo, iran kegha gho avbe orhọnmwẹ, iran na gha ga avbe ẹbọ e Bal.

II Ọba 23:5

Avbe emwa ne ọba e Juda te ya ma ohẹn ne iran gha zọ ese vbe aka ọghe avbe ẹbọ iran ni ga ẹbọ vbe adesẹ e Juda, kevbe ọkpẹn e Jerusalẹm, ọ keghi viọ iran hin ukpo rre, avbe ohẹn ni zọ ese ghe Bal, owẹn, uki, orhọnmwẹ nekhua, kevbe negiẹrẹ.

II Krọnikol 11:15

E Jeroboam keghi ma avbe ohẹn ọghe ọe ne iran ya gha winna vbe aro ẹbọ enigẹbọ, kevbe ne iran gha ga avbe orhiọn esu kevbe avbe ẹbọ ne ọ mannọ ẹn zẹ vbe ama ẹkhuia ẹmila.

II Krọnikol 13:8

Banbanna nian, wa wẹ wa ra gu asẹ ọghe ọba ne Nọyaẹnmwa mu ne ivbi e Devid khọn. Ivbiyokuo uwa bun ẹsẹse, avbe ẹkhuia ẹmila igoru ne Jeroboam ru mu ne uwa wẹ enii ọ re Osanobua uwa.

Aizaia 46:2

Avbe amazẹ ne ẹ i sẹtin miẹn egbe iran fan a khọn munọ iran hẹ gha rrie. Ufomwẹ avbe ẹbọ e Babilọn ọ re ọna khin!

Hozia 13:2

Te iran ra wa ye gha ru orukhọ khian, vbekpa ne iran gha na gha ye ematọn dunmwu emwi ne iran ra gha gho avbe amazẹ esiliva, ne emwa nagbọn ye ekhọe mwamwa, ne emwa nagbọn ye obọ ru, iran keghi vbe kha wẹẹ, “Wa ya gha zọ ese gie ẹe.” Vbe emwa gu ye unu soso avbe amazẹ vberriọ unu yi, avbe amazẹ ni ye vbe ẹkhuia ẹmila.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Hozia 9:1

Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Hozia 9:11

Ukpọlọmwẹ Izrẹl gha tin fua zẹ vbe ahianmwẹ, iran i ghi ra vbe miẹn emọ biẹlẹ, a i ra ghi vbe miẹn ikhuo ohanmwẹ vbọ, a i ghi ra vbe hanmwa emọ vbọ.

Emọs 3:14

“Ẹdẹ ne I gha rri ivbi Izrẹl oya ye orukhọ ne iran ru, I gha dunmwu Ogiukpo ne ọ rre Bẹtẹl rua, a gha vbe kpannọ igẹngẹn Ogiukpo hia kua, ehia ghi dele kuotọ.

Zẹfanaia 1:4

“I gha rri emwa ni rre Jerusalẹm oya deba ivbi e Juda hia, I gha fuẹn ọnrẹn uan ighe iyama ọghe Baal ne iran gho vbe evba, a i ghi vbe miẹn ọmwa ne ọ gha ye avbe ohẹn ẹbọ ni gho ẹre rre ọvbehe.

Iwinna 19:27

Ehe ne ọna zẹ ẹbe nian ọrọre wẹ a ra do ya iwinna ima na khian ne a gbe ikhaẹn yi, ehe ọvbehe ne ọ na vbe zẹ ẹbe ọrọre wẹ aro ẹbọ Atemis ne ẹbọ ne okpokhuo, ra do khian nẹ i ghi mwẹ esa ne ọ ye, uyi ẹre ghi do fafaa ighẹ ẹbọ ne okhuo ne emwa hia ni rre Esia kevbe otọ agbọn hia ya uhunmwu rhanmwẹ otọ na!”

Jọsua 7:2

E Jọsua keghi ke Jẹriko gie emwa eso gha rrie Ai, ne ẹvbo ne ọ rre olarre owẹn Bẹtẹl vbe ọkpẹn Betava. Ọ keghi tama iran ne iran ya ba ẹvbo nii ghe. Ẹre emwa nii na gele gha khian ya ba Eai ghe.

Giọgis 18:24

E Maika keghi kha wẹẹ, “Vbe uwa ta na yi, ‘Wẹ vbe ọ khin?’ Wa rhie ohẹn mwẹ kevbe avbe ẹbọ ne I mannọẹn, wa kevbe ladian. De emwi ne I ghi ye mwẹ?”