Hozia 10:12 - Edo Bible (E Baibol Ẹdo) Version 1996

¹² Mẹ keghi kha wẹẹ, ‘Ya gua ehe ne ọ maa ọghe obọ ruẹ, kọ emwiokọ uhunmwu ẹmwẹ ne u vbe rhọ afiangbe ne ọ gha ladian vbe ekhọe esi ne u ya ga mwẹ. Ẹghẹ sẹe nẹ ne u ya bu mwẹ gha dee, mẹ ne Nọyaẹnmwa ruẹn, mẹ gha rre I ghi vbe do rhọ afiangbe yan ruẹn.’

Hozia 10:12 ပူးပေါင်းရင်းမြစ်များ

Psalm 105:4

Wa bu e Nọyaẹnmwa wẹ ne ọ ru iyobọ ne uwa, ne uwa vbe ga ẹe vbene ai na dobọyi.

Psalm 72:6

Te ọba gha yevbe amẹ ne ọ rhọ ye ugbo, zẹ vbe okpamẹ ne ọ rhọ ye otọe.

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Asan-Ibo 11:6

Kọ emwi ruẹn vbe owiẹ, ota gha rre, vbe kọ, u ma rẹn dẹghe ehia ọ re ọ ra maa ra dẹghe ọna ọ ra maa vbọ sẹẹ nọkpa.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 32:20

Umiẹn vbe ẹko emwa hia gha rhiẹnrhiẹn hẹ ye ẹmwẹ amẹ ne ọkpọe ne emwiokọ ya maa, deba oha ne aranmwẹ na rria ne ẹbe i ye ne avbe ekẹtẹkẹtẹ kevbe avbe ẹmila.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 45:8

I gha gie akhọnmiotọ ke iso gha dee zẹ vbe amẹ ne ọ rhọ. Otọ ghi vbe rhan yotọ ne ọ miẹn ẹnrẹn, ọ ghi vbe họn ebe ladian zẹ vbene ọ yan egbe ẹre kevbe odẹ ẹmwata. Mẹ ne Nọyaẹnmwa gha gie ọna sunu.”

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 55:6

Wa werriẹ aro ghe ehe ne Nọyaẹnmwa ye ne uwa na erhunmwu ghe ẹre, vbe ẹghẹ na nian, vbene ọ ma na khian rrei.

Jerimaia 50:4

E Nọyaẹnmwa khare wẹẹ, “Ọ gha sẹ ẹghẹ nii, ke ivbi Izrẹl, ke ivbi e Juda gha ye eve gha dee, iran ghi gha gualọ imẹ ne Osanobua iran.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Hozia 12:6

Rhunmwuda ọnii nian, wa ne ivbi uniẹn e Jekọb wa mu ẹtin yan Osanobua uwa ne uwa vbe hu ẹre gha dee. Wa mudia ẹse, wa gha ru emwi ẹmwata ne uwa ya i ziengbe mudia khẹ Osanobua uwa ne ọ guan yọ.

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Hozia 8:7

Iran kọ ẹhoho iran gha rhọ okpẹhoho! Ugbo ọka ne ọma mọ ọka, ẹ i sẹtin rhie ebrẹd ladian. Sokpan, a deghẹ ọ sẹtin gha yerriọ, ẹrrẹe ọ re ọ ra rriọe rua.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Emọs 5:4

E Nọyaẹnmwa tama ivbi Izrẹl wẹẹ, “Wa bu mwẹ gha dee, wa gha di agbọn ya.

Emọs 5:6

Wa bu e Nọyaẹnmwa gha khian, wa gha di agbọn ya. Adeghẹ wa ma yo, ọ gha hẹ rhu ivbi Izrẹl zẹvbe erhẹn. Erhẹn nii gha giẹn iran an ighe iran ni rre Bẹtẹl, a i ra vbe miẹn ọmwa ne ọ gha sẹtin dọ ẹre yọ.

Emọs 5:8

E Nọyaẹnmwa ọ re ọ yii avbe orhọnmwẹ, iyọkhọkọ kevbe Agho. Ọ ye ebiebi khian uwanmwẹ kevbe avan khian asọn. Ọ gha datie amẹ ni rre okun ọ ghi hihiẹ ọe ku otọ. E Nọyaẹnmwa ọrọre eni ẹnrẹn.

Iyẹn ne ọ Maan Ọghe Luk 13:24

“Jesu wanniẹn tama iran wẹẹ, ziga ne u la onurho ne wẹnrẹn la owa, ne I khama ruẹn wẹẹ, emwa ni bun ọre ọ gha hia ne iran la owa sokpan iran i sẹtin.

Iwinna 2:18

Kevbe avbe eviẹn mwẹ, ne ikpia kevbe ne ikhuo, I gha hihiẹ Orhiọn mwẹ yan iran ẹdẹ nẹdẹrriọ iran ghi gha guan ẹmwẹ akhasẹ.

II Kọrinti 9:10

Osanobua ne ọ viọ emwiokọ ne uwa ho hia ne uwa, ọ ghi vbe gi ẹe zọ, ne ọ vbe mọ emwiorhọ ọkpọkua ne obọ ne ọ ru ẹse ọghe uwa.

Jems 3:18

Emwi ẹmwata ọrọre emwiorhọ ne a rhọ, vbe emwiokọ ne iran ni mu igbinna, ye ọfumwegbe kọ.