Hibru 9:9 - Edo Bible (E Baibol Ẹdo) Version 1996

⁹ Ọna keghi re ama emwi ne ya gie ẹghẹ na ye na. Ọ rhie maa wẹ, emwi imuohan kevbe avbe aranmwẹ ne a ya zọ ese ghe Osanobua, ẹ i sẹtin ye ekhọe emwa ni ga khian ne ọ gbae.

Hibru 9:9 ပူးပေါင်းရင်းမြစ်များ

Ebe ne Pọl gbẹẹn gie emwa Rom 5:14

Sokpan ke ẹghẹ Adam gha dee do sẹ ẹghẹ Mosis, uwu keghi mu yan emwa hia, ya sẹ egbe avbe emwa ne ọ ma ru khọ zẹ vbene Adam rukhọ vbekpa ne ọ ma na ru vbene Osanobua kha re. Adam keghi re emwi ne a ya gie ọmwa ne ọ dee.

Galatia 3:21

Te ọnii ghi rhie maa ra ighẹ nene Uhi gbe odan ye emwi ne Osanobua ve? Hiehiere. Rhunmwuda, akpawẹ Uhi ne a yi, ne ọ sẹtin rhie arrọọ ne ọmwa rrọọ, ẹghẹ nii, te a gha sẹtin la ekpa uhi gha ye ọmwa khian ne ọ mudia ẹse vbe odaro Osanobua.

Hibru 10:11

Dọmwadẹ ohẹn avbe Ju, te ọ mudia winna iwinna rẹn ẹdẹgbegbe, ọ ghi vbe gha zọ ese ọkpa ni yan egbe yan egbe. Sokpan avbe izọese na i sẹtin kpe orukhọ kua.

Hibru 11:19

Te Ebraham wa rhie aro yọ wẹ, Osanobua gha sẹtin dọlegbe huẹn Aizik kpaegbe vbe idin, a sẹtin kha khekherriọ wẹ, a gele rhie Aizik ke idin werriegbe gie Ebraham.

Hibru 5:1

Ogie Ohẹn ke ogie ohẹn, ọkpa vbe uwu emwa nii, ọre a na zẹ ọe ne ọ do gha ga Osanobua ne iran hia. Rẹn ghi gha yo imuohan, ọ ghi vbe gha zọ ese ye orukhọ.

Hibru 7:11

Obọ uniẹn ivbi e Livai ni re ohẹn, ọre a la mu Uhi aghaeyihigbe ye otọ ne ivbi Izrẹl. Vbene ọ ghi ye na nian, akpawẹ te avbe ohẹn ne ivbi e Livai gbae fo, a i ghẹ ghi vbe wẹ ne a vbe dọlegbe rhie ohẹn ọvbehe ladian, ne ọ re uviẹn Mẹlkizẹdẹk, ne ẹ i re ọghe Errọn.

Hibru 8:4

Akpawẹ agbọn na ọre ọ ye, ẹ i ghẹ gha re ohẹn hiehiere, rhunmwuda wẹ, avbe ohẹn rrọọ ni ye emwi mu ohan, zẹ vbe vbene Uhi avbe Ju mwamwa ẹn.

Hibru 9:24

Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.