Hibru 9:8 - Edo Bible (E Baibol Ẹdo) Version 1996

⁸ Orhiọn Ne Ọ Huanrẹn wa ya avbe emwamwa na rhie maa zẹẹ wẹ, ugbẹn vbe Ọgua ukpọn ne ọ ke ore he ye rre evba, a ma he kie urho ne a la sẹ Ehe Ne ọ Huan Sẹẹ Ehia nii.

Hibru 9:8 ပူးပေါင်းရင်းမြစ်များ

Aizaia 63:11

Sokpan, iran keghi do ye ẹkpo nẹdẹ rre, ẹghẹ e Mosis ne ọguọmwadia e Nọyaẹnmwa, ọ re iran na ghi nọọn wẹẹ, “De ehe ne Nọyaẹnmwa ghi ye yi, ọmwa ne ọ miẹn avbe ọkaolotu emwa irẹn fan vbe obọ okun? De ehe ne Nọyaẹnmwa ghi ye yi ọmwa ne ọ rhie orhiọn irẹn ne Mosis?

Iyẹn ne ọ Maan Ọghe Luk 1:80

Ọmọ nii keghi gha wan yiọ vbe egbe kevbe orhiọn, ọ na gha rre uwu ato, ọ te do sẹ ẹghẹ ne ọ gha na ye egbe ne ivbi Izrẹl miẹn vbe azagba.

Iyẹn ne ọ Maan Ọghe Jọn 10:7

Rhunmwuda ọnii Jesu dọlegbe tama iran wẹẹ, “Ẹmwata I tama uwa, mẹ ọrọre ọsuohuan ne ọ maa.

Iyẹn ne ọ Maan Ọghe Jọn 10:9

Mẹ ọrọre onurho. Ọmwa ne ọ la ehe ne i ye la owa, a gha miẹn rẹn fan. Ọ gha la owa, ọ ghi vbe ladian, ọ gha vbe miẹn irunmwu.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iwinna 28:25

Ẹmwẹ iran ma ghi gu egbe ro, sokpan vbe iran ghi te kpao, Pọl keghi ta ẹmwẹ ọkpa na ma iran wẹẹ, “Ẹmwata ọre ẹmwẹ ne Orhiọn Ne Ọ Huanrẹn la unu akhasẹ Aizaia tama avbe erha uwa odede wa khin wẹẹ,

Galatia 3:8

Ebe miẹn ọẹn ye otọ nẹ wẹ, iyayi ọre Osanobua ra ya dọlọ iran ne ẹ i re Ju kugbe ba egbe ẹre. Ọnii ọ si ẹe ne ebe na ka kpe orhu Iyẹn Ne ọ maa ni ma Ebraham ye otọ wẹ, “Ekpa ruẹ ọre Osanobua ra na fiangbe emwa hia ni rre agbọn.”

Ẹfisọs 2:18

Vbe ekpa Jesu Kristi, ọre ima hia, ke Ju kevbe ne ẹ i re Ju, ne a sẹtin ya Orhiọn Osanobua ọkpa nii gha die odaro Evbavba.

Hibru 10:15

Rhunmwuda, Orhiọn Ne Ọ Huanrẹn vbe sẹ osẹe ọghọe ma ima. Okaro ọ wẹẹ

Hibru 3:7

Rhunmwuda, zẹ vbene Orhiọn Ne Ọ Huanrẹn ta ẹe, “Wa gha họn urhu Osanobua,

Hibru 9:3

Vbe iyeke ukpọn ne a ya fian ẹn ne ogieva, ọre Ọgua nọkpa ye ne a tie ẹre Ehe Ne ọ Huan Sẹẹ Ehia.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.