Hibru 9:7 - Edo Bible (E Baibol Ẹdo) Version 1996

⁷ Sokpan Ogie Ohẹn ọkpa ọre ọ la Ọgua ukpọn ne ọ ke uwu ẹre, uhukpa ọre ọ vbe ru vberriọ vbe ukpo. Ọ ghi mu esagiẹn mwẹ, ọnii ọre ọ ya zọ ese ne egbe ẹre, kevbe ye orukhọ ne emwa ni hia ru, vbe ne iran ma na rẹn.

Hibru 9:7 ပူးပေါင်းရင်းမြစ်များ

II Samuẹl 6:7

Vbe ọwarọkpa nii, ohu Uzza keghi mu e Nọyaẹnmwa, Ọ keghi gbe ẹe rua rhunmwuda, udinmwẹ amiọmwafo ọghe ọe, ẹre Uzza na wu ye evba, vbe ọkpẹn Ẹkpẹti Ile nii.

II Krọnikol 33:9

E Manasẹ keghi wa ziẹn ivbi e Juda ye orukhọ sẹ ne avbe emwa ne Nọyaẹnmwa khulo hin otọe nii rre vbe emwa rẹn dee.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Psalm 95:10

Ukpo iyeva ọre egbe iran na wa ya wọ mwẹ I keghi kha wẹẹ, ‘Ghe vbene iran sọtẹ hẹ; iran hee uhi mwẹ ye otọ.’

Ẹksọdọs 30:10

Errọn ghi ru ugamwẹ ayabọ orukhọ ọghe ukpẹ enenẹ nii rrọọ uhukpa vbe ukpo. Ọ ghi lo esagiẹn emwi ne a gbe ya zọ ese ye orukhọ. Wa ghi yevbe gha ru vberriọ vbe orre ne ọ dee. A ghi gie ẹe gha re aka ne ọ huanrẹn ẹsẹse ne a ya fi ohan ne imẹ ne Nọyaẹnmwa.”

Aizaia 28:7

Uhin ighe avbe akhasẹ kevbe avbe ohẹn daa ayọn gbe egbe sẹrriọ wẹ te iran ghi dobidokpannọ khian. Iran daa ayọn, iran kevbe wọọn emwi hia bun sẹrriọ wẹ, te iran ghi dekun emwi hia vbe ne emwi ghi tighi sẹ. Avbe akhasẹ daa ayọn bun sẹrriọ wẹ iran i ghi rẹn umian ne Nọyaẹnmwa rhie ma iran, avbe ohẹn vbe daa ayọn sẹrriọ wẹ iran i ghi rẹn ohiẹn ẹmwẹ ne a viọ bu iran yo ya bu.

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Aizaia 3:12

Iran ni rhie igho isu ne emwa mọmọ gha wọ emwa mwẹ uhunmwu, iran ni rri iran osa kevbe gha mu iran ru. Wa ne emwa mwẹ avbe ọkaolotu uwa bibi uwa odẹ sẹrriọ wẹ, wa ma ghi rẹn odẹ ne uwa ghẹ ghi la.

Aizaia 9:16

Iran ni su emwa na khian wa bibi iran odẹ nẹ fẹẹrẹ, iran keghi gie iro han ehia.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Levitikọs 16:34

Emwamwa na, te a ra gha ru ẹe khian ẹdẹdẹmwẹdẹ. A ghi gha ru iruemwi na uhukpa vbe ukpo ne a ya gha kpe ivbi Izrẹl huan hin orukhọ rre. E Mosis keghi ru vbene Nọyaẹnmwa khare.

Levitikọs 5:18

Vbene ọ gha na mu ogho ra ovbukhọ ne ẹ i mwẹ okan rre, ọmwa ne agbọn hia rhan obọ miẹn ọre a gha ya fian ive yọ, ohẹn ghi zọ ese nii ye orukhọ ọmwa nii, a ghi vbe ya bọe.

Emọs 2:14

Ya sẹ egbe iran ni guara rhulẹ, ọkpa ne ọ ra miẹn uhunmwu i rrọọ, ẹtin gha fo iran ni wegbe avbe ivbiyokuo i ra vbe sẹtin sinmwi uhunmwu iran ye agbọn.

Nọmbas 15:25

Ohẹn ghi ru iruemwi akhuẹhuan ne emwa ni hia, a gha yabọ iran, rhunmwuda, abaku ru nii i re ẹmwẹ iran, iran keghi vbe viọ izọese orukhọ iran rre zẹ vbe izẹọhẹ evbare gie Nọyaẹnmwa.

Ẹfisọs 4:18

Ekhọe iran keghi vbe rre uwu ebiebi. Iran i mwẹ oghae vbe ẹdẹ agbọn ne Osanobua ya ru ọmwa ẹse, rhunmwuda iran ma zẹdẹ rẹn ne a ye, iran keghi vbe ze vbe udu.

Hibru 10:3

Sokpan, vbene ọ ghi ye na nian, te ese ne a zọọ nii ghi ye emwa ẹmwẹ orukhọ iran rre, ke ukpo dinna ukpo.

Hibru 6:19

Ma keghi mwẹ idaehọ na, zẹ vbe okpo ne ọ da owa yi ọghe ekhọe mwa, ẹbe i rrọọ, te ọ vbe deziẹn gbain, ọ kevbe la ukpọn ne a ya fian ọgua Osa gberra gha, rrie ehe ne Ogiukpo nọkhua ye.

Hibru 7:27

Rẹn i yevbe avbe igie ohẹn nekpa, ẹ i vbe ka zọ ese ye orukhọ obọ ẹre nẹ ẹdẹgbegbe, zẹ vbe emwi ne ẹ i mwẹ a ma ru, ọ keghi do zọ ye ọghe emwa nekpa. Ọ zẹ ese nẹ uhukpa nii, ne emwa hia, vbe ẹghẹ ne ọ na ye egbe ẹre zọ ese.

Hibru 9:3

Vbe iyeke ukpọn ne a ya fian ẹn ne ogieva, ọre Ọgua nọkpa ye ne a tie ẹre Ehe Ne ọ Huan Sẹẹ Ehia.