Hibru 9:4 - Edo Bible (E Baibol Ẹdo) Version 1996

⁴ Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.

Hibru 9:4 ပူးပေါင်းရင်းမြစ်များ

I Ọba 7:50

avbe ukpu igoru, emwi ne a ya dọ ukpa yọ, avbe ọkpan, uyẹngbe eturari kevbe egbẹnghẹngbẹnghẹn ne a ya wan erhẹn, olode ni rre ẹkhu Ehe Ne ọ Huan Sẹẹ Ehia kevbe ẹgun ne ọ ke Ọgua Osa.

I Ọba 8:21

I vbe rhie ehe ne Ẹkpẹti Ile gha dia ye nene Ọgua Osa. Ẹkpẹti Ile nii ne uhanhan igbẹnbe okuta ọghe ile ne Nọyaẹnmwa gu avbe erha mwa odede ta vbe ẹghẹ ne ọ na viọ iran ke Igipt ladian.”

I Ọba 8:9

Te a wa ke ehe ne a mudia yi vbe ugha nọkhua bẹghe ẹre vbe odaro Ehe Ne ọ Huan Sẹẹ Ehia sokpan, a i ke ore bẹghe ẹre. Emwi ọvbehe i rre Ẹkpẹti Ile nii gberra uhanhan okuta ne a gbẹn eveva ne Mosis viọ yọ vbe Oke Sainai, ehe ne Nọyaẹnmwa na gu ivbi Izrẹl ta ile vbe iran ke Igipt dee.

II Krọnikol 5:10

Emwi rhọkpa ma vbe gha rre uwu Ẹkpẹti Ile nii gberra uhanhan okuta eva ne Mosis viọ yọ vbe uhunmwu oke Sainai, vbe ẹghẹ ne Nọyaẹnmwa na gu avbe ivbi Izrẹl ta ile vbe iran ke otọe Igipt dee.

Ẹksọdọs 26:33

U ghi viọ avbe ukpọn onurho nii la ototọ avbe aban nii vbe okpo ọghe avbe owa ukpọn nii. U ghi mu ẹkpẹti ne uhanhan ayere nii ye ye iyeke ukpọn onurho nii. Ukpọn onurho nii ghi fian ehe ne ọ Huanrẹn hin ehe ne ọ Huan sẹ ehia nii.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:15

E Mosis keghi fi egbe werriẹ, ọ na tuorre vbe uhunmwu oke, ke irẹn kevbe uhanhan ayere eva ne a gbẹnnẹ ọre obọ eveva.

Ẹksọdọs 34:29

Ugbẹn vbe Mosis ghi tuorre vbe uhunmwu oke Sainai ke ẹe kevbe vbene ọ na dada uhi igbigbe mwẹ, ọ ma rẹn wẹ rhunmwuda ne irẹn na gha gu e Nọyaẹnmwa guan ighẹ te ugbaro irẹn ghi fi wainwain.

Ẹksọdọs 37:25

Ọ keghi ya erhan akesia ru aka ne a na giẹn eturari. Umwọmwẹ nọ vbe igienenẹ, akhuẹn obọ eva irrọvbugie vbe utanmwẹ, akhuẹn obọ eva irrọvbugie vbe uvbẹmwẹ, akhuẹn obọ eha yan ọgban vbe uyomwẹ. Ehe ne ọ na vbẹ ladian keghi ye gha re ọkpa ba ọkpa ba ẹre.

Ẹksọdọs 39:35

Ẹkpẹti ne a viọ avbe uhanhan ayere yi, ọkpọ ẹre kevbe ugue ẹre.

Ẹksọdọs 40:3

U ghi mu avbe uhanhan uhi igbe ye uwu ẹre ne u mu ukpọn onurho ye odaro ẹre.

Levitikọs 16:12

ọ ghi ya ọkpan erhẹn wan erhẹn ẹyin ne ọ yan ke aka rre, ọ ghi vbe viọ uguobọ eva ọghe eturari ne ọ maa, ọ ghi viọ ehia gha die uwu Ehe Nọhuansẹ Ehia nii.

Nọmbas 17:10

E Nọyaẹnmwa keghi tama e Mosis wẹẹ, “Rhie ọkpọ Errọn werriegbe ye odaro Ẹkpẹti Ile. A ghi rhie ẹre hinrre ne ivbi Izrẹl gha miẹn ọẹn wan wẹ iran gha wulo deghẹ iran ma zobọ vbe ẹzọ uwu unu ne a gui.”

Nọmbas 17:5

Ọkpọ ọghe ọmwa ne I hannọ zẹ gha gbe ukhu. Odẹ vberriọ ọre I gha ya gbe ẹre ukhu a ighẹ ẹzọ ne ivbi Izrẹl guẹ gui kugbakẹghẹrẹ.”

Nọmbas 17:8

Ẹdẹ ghi gbe, e Mosis ghi la uwu Owa Ukpọn, ọ keghi miẹn wẹ ọkpọ ọghe Errọn ne ọ mudia ye ihe ẹwae Livai zọre. Ọ keghi gbe ukhu, ọ gbe ighọn, ọ keghi mọ ọmọ erhan almọnd ne ọ vboro!

Diuteronomi 9:11

Ẹn, vbe iyeke avan iyeva kevbe asọn iyeva nii, e Nọyaẹnmwa keghi viọ uhanhan okuta eva ne ọ gbẹnnẹ ile nii yi mẹ.

Diuteronomi 9:9

Mẹ hin uhunmwu oke ne I ya viọ avbe uhanhan okuta ne a gbẹnnẹ ile ne Nọyaẹnmwa gu uwa ta yi, I keghi gbe asọn iyeva kevbe avan iyeva vbe evba, I ma re, I ma da.

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.

Arhie Maan 8:3

Odibosa ọvbehe ne ọ mu ọkpan eturari mwẹ obọ, keghi do mudia ke Ogiukpo. A keghi viọ eturari ni bun nẹẹn ne ọ viọ ba erhunmwu emwa Osanobua hia ne ọ vbe ya ẹe zọ ese vbe uhunmwu Ogiukpo ne ọ rre odaro ẹkete.