Hibru 9:24 - Edo Bible (E Baibol Ẹdo) Version 1996

²⁴ Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.

Hibru 9:24 ပူးပေါင်းရင်းမြစ်များ

Psalm 68:18

Ọ hin odukhunmwu gha rriẹ ehe ne ọ yo ọ viọ avbe oghunmwu nibun mwẹ gha khian ọ keghi vbe miẹn emwi ihaoko, vbe obọ avbe emwa ni sọtẹ. E Nọyaẹnmwa Osanobua gha di evba nii ya.

Ẹksọdọs 28:12

U ghi sikan iran mu abọ ne ọ la izabọ ọghe adaghọ nii ne a ya gha ye eni ivbi Izrẹl rre. Erriọ ọre Errọn gha na gha dada eni iran khian vbe izabọ ẹre, erriọ ọre imẹ ne Nọyaẹnmwa gha na gha ye iran rre ẹghẹ hia.

Ẹksọdọs 28:29

“Errọn gha la uwu ehe ne ọ Huanrẹn nii, ọ ghi gbẹnnẹ eni ivbi Izrẹl ye uhanhan ukpọn ẹwẹe ne imẹ ne Nọyaẹnmwa miẹn ehe na gha ye iran ne emwa mwẹ rre vbe ẹghẹ hia.

Zẹkaraia 3:1

Vbe umian ọvbehe, e Nọyaẹnmwa keghi mu Ogie Ohẹn ighe Jọsua ma mwẹ, ọ keghi mudia ye odaro odibosa e Nọyaẹnmwa. E Satan keghi vbe mudia ke Jọsua, ọ mu egbe ne ọ ba ẹre ifi ẹzọ.

Matiu 18:10

“Wa ghẹ zan ọkpa vbe uwu iran ne giẹrẹ na. Ne I tama uwa, ẹghẹ hia ọre odibosa iran ya mudia ye odaro Erha mwẹ ne ọ rre ẹrinmwi. [

Iyẹn ne ọ Maan Ọghe Mak 14:58

“Ma họn ẹn vbe ọ tae wẹ, ‘I gha guọghọ Ọgua Osa na ne emwa bọe sẹ otọ, vbe iyeke ikpẹdẹ eha, I gha bọ ọvbehe ne emwa ma bọ’ ”

Iyẹn ne ọ Maan Ọghe Mak 16:19

Ugbẹn vbe Nọyaẹnmwa Jesu ghi gu iran guan nẹ, a keghi tọn ẹn mu gha rrie ẹrinmwi, ọ na tota ye obọ erha ọmwa Osanobua.

Iyẹn ne ọ Maan Ọghe Luk 24:51

Vbene ọ wa fiangbe iran ni, ọ kpao sẹ iran rae, a keghi tọn ẹn mu gha rrie odukhunmwu vbe ẹrinmwi.

Iyẹn ne ọ Maan Ọghe Jọn 16:28

Ọ ghe Evbavba mẹ ke gha dee, I na gha die agbọn na, banbanna nian, I ra vbe kpao vbe agbọn na ne I bu Evbavba.”

Iyẹn ne ọ Maan Ọghe Jọn 6:62

A deghẹ wa ghi miẹn wẹ Ovbi Ọmwa dọlegbe gha rrie odukhunmwu vbe ehe ne ọ ka ye yi vbo?

Iwinna 3:21

Te irẹn gha ka tota vbe ẹrinmwi nẹ, ọ te do sẹ ẹghẹ ne a gha na ya emwi hia khian ọgbọn, zẹ vbene Osanobua la unu avbe akhasẹ ọre ta ẹe ye otọ ke ne ẹkpo imwẹ arria gha dee.

Ebe ne Pọl gbẹẹn gie emwa Rom 8:33

De ọmwa ne ọ gha bu iran ne Osanobua tobọ ẹre tae ighẹ iran i mwẹ abe ifi ẹzọ?

II Kọrinti 5:1

Rhunmwuda, ma rẹnrẹn wẹ, okhogbo ne ima ye na ọnii ọre egbe ne ima mwẹ vbe agbọn na — a gha sin ẹnrẹn kua nẹ, Osanobua gha rhie owa ne ima gha ye vbe ẹrinmwi, ne irẹn tobọ ẹre bọe, owa ne ọ gha rrọọ rhinrin ẹdẹdẹmwẹdẹ.

Kọlose 3:2

Wa gie aro uwa gha wu ye emwi ni rre odọọ, ighẹ ẹ i ghi re ni rre agbọn na.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 6:20

Jesu ka ke odaro nẹ, gha rrie evba nii, ne ima. Rẹn keghi vbe khian ogie ohẹn etẹbitẹ lele uviẹn ọghe Mẹlkizẹdẹk.

Hibru 8:2

Rẹn mudia ye ukpo ogie ohẹn vbe Ehe Ne Ọ Huan Sẹẹ Ehia, ọnii nọ wẹ, vbe uwu Ọgua nọ gua nii, ne Nọyaẹnmwa tobọ ẹre bọe ighẹ ẹ i re ne ọmwa ne agbọn họe.

Hibru 8:5

Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”

Hibru 9:1

Ile ne okaro mwẹ ilele ọghe vbene a ya ga hẹẹ, ọ vbe mwẹ ehe ne ọmwa ye obọ ru ne a na vbe ga.

Hibru 9:23

Odẹ vbe nian, ọre a ya ya iran khian ni huanrẹn ighẹ a vbe emwi na ni re ama ne a ya taa ọghe ẹmwata ni rre ẹrinmwi. Sokpan ni wa rre ẹrinmwi ni rrọọ, emwi ni maa sẹ ena ọre a ya zọ ese ẹre.

Hibru 9:9

Ọna keghi re ama emwi ne ya gie ẹghẹ na ye na. Ọ rhie maa wẹ, emwi imuohan kevbe avbe aranmwẹ ne a ya zọ ese ghe Osanobua, ẹ i sẹtin ye ekhọe emwa ni ga khian ne ọ gbae.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.

Arhie Maan 8:3

Odibosa ọvbehe ne ọ mu ọkpan eturari mwẹ obọ, keghi do mudia ke Ogiukpo. A keghi viọ eturari ni bun nẹẹn ne ọ viọ ba erhunmwu emwa Osanobua hia ne ọ vbe ya ẹe zọ ese vbe uhunmwu Ogiukpo ne ọ rre odaro ẹkete.