Hibru 9:21 - Edo Bible (E Baibol Ẹdo) Version 1996

²¹ Erriọ vbe nọ, Mosis keghi vbe miẹn esagiẹn yan Ọgua ukpọn nii, kevbe avbe emwi ne a lo vbe ẹghẹ ugamwẹ.

Hibru 9:21 ပူးပေါင်းရင်းမြစ်များ

Ẹksọdọs 24:6

E Mosis da obọkpa ọghe esagiẹn iran ye ọkpan; ọ na mu obọ nọkpa rhurhẹ yan aka.

Ẹksọdọs 29:12

U ghi rhie vbe esagiẹn ẹkhuia ẹmila nii, u ghi ya ikpinhianbọ ruẹ ya ẹe rhanmwẹ avbe ukpẹ aka nii.

Ẹksọdọs 29:20

Gbe ẹe ne u rhie vbe esagiẹn ọnrẹn, u ghi ya ẹe kan etọghọ ehọ obọ erha ọmwa ọghe Errọn kevbe avbe ivbi ẹre, kevbe ikpinhianbọ nogie, kevbe ikpinhianwẹ nogie ọghe owẹ erha ọmwa iran, u ghi mu ni dekẹe vbọ rhurhẹ lele igienenẹ aka.

Ẹksọdọs 29:36

Ẹdẹgbegbe u ghi gha ya ẹkhuia ẹmila zọ ese ye orukhọ ne a miẹn ehe na ya orukhọ bọ. U gha ghi zọ ese ye orukhọ nẹ, u rhie orukhọ hin aka rre nẹ, iyeke ọnii, u ghi nọnọ ori oliv yọ ne u ya ẹe khian ne ọ hunanrẹn.

Ẹksọdọs 40:9

“U ghi mu ori ne a nọnọ ye emwa uhunmwu ne u sanmwẹ ọẹn ye owa nii hia kevbe emwi hia nii rre uwu ẹre, vberriọ ọ ghi do khian ne ọ huanrẹn.

Levitikọs 8:15

E Mosis keghi gbe ẹe, ọ keghi rhie vbe esagiẹn ọnrẹn, ọna ya ikpinhianbọ ẹre rhie ẹre ye ukpẹ aka ni rre okhiẹ ọre, ne a miẹn ehe na ya ẹe fi ohan, ọ na hihiẹ esagiẹn ni dekẹe ye ẹzi aka. Odẹ vberriọ ọ keghi ya ẹe fi ohan, ọ na ya ẹe khian ne ọ huansẹ.

Levitikọs 8:19

E Mosis keghi gbe ẹe, ọ na sanmwẹ esagiẹn ọnrẹn ye igienenẹ ọghe aka.

Levitikọs 9:18

Ọ ke ghi gbe ẹkhuia ẹmila nii kevbe ogho zẹ vbe izọhẹ isara ọghe emwa nii. Ivbi ẹre keghi mu esagiẹn ọnrẹn gie ẹe, ọ na rhurhẹ ọe ye igienenẹ ọghe aka.