Hibru 9:2 - Edo Bible (E Baibol Ẹdo) Version 1996

² Iran keghi gbe Ọgua ukpọn, ne ọ ke ore vbọ, a kegha tie ẹre Ehe Ne ọ Huanrẹn. Emwi ne ọ rre emwa kegha re, ukpa, eteburu kevbe ebrẹd ne a ya fi ohan ne Osanobua.

Hibru 9:2 ပူးပေါင်းရင်းမြစ်များ

Ẹksọdọs 25:23

“Ya erhan akesia ru eteburu ọkpa ne ọ gha re akhuẹn obọ ehan yan ọgban vbe utanmwẹ, evairrọvbugie vbe uvbẹmwẹ, kevbe ehairrọvbọgban vbe uyomwẹ.

Ẹksọdọs 25:30

A ghi mu eteburu nii, ye odaro Ẹkpẹti Ile nii, Ebrẹd iruemwi, ne a ya ru izọhẹ gunmwẹ ghi gha rre uhunmwu eteburu nii vbe ẹghẹ hia.

Ẹksọdọs 25:31

“Ya igoru ne ama gua ru erhan ọmukpa, u ghi ya igoru ne a ya umọmọ dunmwu ru ẹzi ẹre kevbe erhan rẹn; avbe obobo ne a ya zẹ ose yọ, deba ukhu kevbe ifuẹn obobo ẹre, ehia ghi wa gha re erhan ọkpa deba irẹn.

Ẹksọdọs 26:1

“Wa ghi ya igbu igbe ọghe eto ovbiohuẹ ne a mẹ, bọ owa ukpọn ne imẹ dia, deba eto ohuan ne raghoragho, ne ọ vboro kian an kevbe ne ọ baa. A ghi munọ ona avbe emwi nii zẹ ifuẹn ye avbe igbu ukpọn na mose mose.

Ẹksọdọs 26:33

U ghi viọ avbe ukpọn onurho nii la ototọ avbe aban nii vbe okpo ọghe avbe owa ukpọn nii. U ghi mu ẹkpẹti ne uhanhan ayere nii ye ye iyeke ukpọn onurho nii. Ukpọn onurho nii ghi fian ehe ne ọ Huanrẹn hin ehe ne ọ Huan sẹ ehia nii.

Ẹksọdọs 26:35

U ghi mu eteburu ye vbe a ma hie sẹ ukpọn onurho. U ghi mu erhan ọmukpa ye odẹ ọghe Owa Ukpọn nii ne ọ mu aro da eteburu ne ọ rre odẹ okuọ ẹre.

Ẹksọdọs 29:1

“Vbenian ọre u gha ya ye Errọn kevbe ivbi ẹre fi ohan mẹ ne iran ga mwẹ zẹ vbe ohẹn. U ghi mu ovbi ẹkhuia ẹmila ọkpa kevbe ogho eva ne a ma kuan ra ne egbe gba na.

Ẹksọdọs 29:35

“Emwi ne I tama ruẹn na zẹẹ ọre u ra ru ne Errọn kevbe avbe ivbi ẹre. Ikpẹdẹ ihinrọn ọre u ra do ugie ne a ya ma iran ohẹn la.

Ẹksọdọs 40:2

“Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Ẹksọdọs 40:4

U ghi mu eteburu nii la owa ne u viọ emwi ne a ya ru emwi hia yan rẹn. U ghi vbe mu erhan ọmukpa ladian ne u vbe viọ avbe ukpa yọ.

Matiu 12:4

Ọ keghi la uwu owa Osanobua, rẹn kevbe ikpayẹ ọre keghi ya rri ebrẹd ne a ya mu ohan gie Osanobua, vberriọ, Uhi ma kha wẹ ne iran rriọe, rhunmwuda, avbe ohẹn ọkpa ọre a giee gha rriọe.

Matiu 5:15

A i ra rhukpa nẹ ne a ya ọkpan rhuẹe ginna otọ, erhan ọmukpa ọre a mu ẹn yan ne emwa ni rre owa hia miẹn ehe na yae gha bẹghe odẹ.

Hibru 9:25

Ogie Ohẹn a vbe Ju, uhukpa vbe ukpo ọre ọ la uwu Ehe Ne ọ Huanrẹn, irẹn kevbe esagiẹn aranmwẹ ne ọ mu mwẹ. Sokpan Kristi ma la evba ya ye egbe ẹre zọ ese kugba kẹghẹrẹ.