A ghi rhie abọ hisọp, wa ghi fi ẹe ye esagiẹn ne ọ rre ọkpan, wa ghi ya ẹe wo ẹkhu kevbe egbaha onurho uwa, wẹ ne ọmwa rhọkpa ghẹ kpa vbe owa ọ te ya sẹ owiẹ.
Ọ keghi vbe viọ ivbi Errọn ladian, ọ na rhie vbe esagiẹn nii ye iran etọghọ ehọ obọ erha ọmwa, kevbe ikpinhianbọ ne ogie ọghe obọ erha ọmwa iran, kevbe ikpinhianwẹ ne ogie ọghe owẹ erha ọmwa iran. Ẹre Mosis ghi na mu esagiẹn ne ọ dekẹe rhurhẹ ye igienenẹ ọghe aka.
Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.
Okaro, Mosis keghi talọ ẹmwẹ uhi na ma emwa nii, zẹ vbene a gbẹn ye nene Uhi. Vbe iyeke ọnii, ọ keghi mu esagiẹn ẹmila ke ẹe kevbe amẹ, ọ keghi ye hisọp kevbe iku oru ododo, sanmwẹ ọẹn ku ebe nene Uhi kevbe avbe emwa nii.