Hibru 9:10 - Edo Bible (E Baibol Ẹdo) Version 1996

¹⁰ Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.

Hibru 9:10 ပူးပေါင်းရင်းမြစ်များ

Ẹksọdọs 29:4

“Viọ Errọn kevbe ivbi ẹre gha die onurho Owa Ukpọn mwẹ ne iran khuẹ.

Ẹksọdọs 40:12

“U ghi rhie Errọn ke ẹe kevbe ivbi ẹre gha die onurho Owa Ukpọn ne iran khuẹ akhuẹ iruenmwi.

Ezikiẹl 4:14

Sokpan, mẹ keghi wanniẹn wẹẹ, “Ẹn o, e Nọyaẹnmwa ne Udazi, I ma he mu awua ye egbe mwẹ egbe ẹdẹ, ke ọvbokhan wa gha dee, I ma he rri aranmwẹ ne ọ tobọ ẹre wu ẹdẹ, ra ne aranmwẹ ọvbehe gbe. I ma he rri evbare ne a ka ye ọghe awua ẹdẹ.”

Levitikọs 13:58

Ọ gha họ emwi nii, ama nii na ghi lahin rre, ọ ghi vbe dọlegbe họ ẹre, emwi nii i ghi mwẹ awua.

Levitikọs 16:24

Ọ ghi ya khuẹ vbe ehe ne ọ huanrẹn, ọ ghi yọ ẹwu obọ ẹre, vbe iyeke ọnii, ọ ghi ladian ya zọ ese na giẹn uan, ne ọ ya kpe orukhọ egbe ẹre kua, kevbe ọghe avbe emwa nii.

Levitikọs 16:4

E Nọyaẹnmwa keghi vbe tama iran ne iran ru vbenian wẹ. Vbe Errọn te la uwu Ehe Nọhuansẹ Ehia nii, ọ ghi khuẹ, ọ ghi vbe viọ avbe ẹwu ohẹn yegbe, ẹwu eto ovbiohuẹ, utalawẹ, ugbẹkun kevbe ukugba ọghe uhunmwu.

Levitikọs 22:6

awua guẹe, ọ te yasẹ ota, uhin vbe ọ gha vbe sẹ ẹghẹ ota nẹ, wẹ ne ọ ghẹ rri emwi nihuanrẹn na ya zẹ ọhẹ vbe ẹ i re te ọ khuẹ nẹ.

Nọmbas 6:3

ọ ghi zobọ vbe ayọn ke ebiẹ, ẹi ra vbe da ayọn ne a ye ọmọ erhan ayọn nọbaa ne a kae hin rre ru.

Iyẹn ne ọ Maan Ọghe Mak 7:4

Emwi ne a rhirhi dẹ ke ẹki rre, iran ma kpe ẹe nẹ, iran i rri ọe. Ilele ni bun vberriọ ne iran do vba vbe otọ iran ghi wa gha lele ẹe, zẹ vbene a na lele ọbakpe avbe ukpu, akhe, ọkpan ẹrọnmwọ kevbe ukpo ne a vbiẹ.)

Galatia 4:9

Sokpan wanwan na nian, vbene uwa ghi na rẹn Osanobua nẹ, ra ne I wa kha wẹ, vbene Osanobua ghi na rẹn uwa nẹ, vbe ọ zẹ ne uwa na ho ne uwa dọlegbe bu avbe orhiọn ẹwobi ne vburriẹ, ni khaemwisẹ ni, gha khian yi? Vbe ọ zẹ ne uwa na dọlegbe ho ne uwa gha re eviẹn iran?

Ẹfisọs 1:10

Emwi ne Osanobua mwamwa ẹn, ne ọ ra vbe musẹ vbe ẹghẹ a sẹ, ọrọre wẹ, ne ọ do viọ emwi na yi hia ni rre ẹrinmwi kevbe agbọn, kugbe ba Kristi zẹ vbe uhunmwu uta ehia.

Ẹfisọs 2:15

Ọ keghi gbe ukhu ẹre ua ighẹ nene uhi avbe Ju, deba iyi kevbe ilele ne ọ rrọọ, ne ọ miẹn ehe na ya ẹwae eva na, khian emwa ọkpa ọghọgbọn deba egbe irẹn, ne ọ gha re ne ọ ya ru adọlọ.

Diuteronomi 21:6

Avbe ekaolotu nii hia ni ke ẹvbo ni sikẹ ehe ne a na miẹn ikun ọmwa ne ọ wu nii ghi kpe obọ iran yan ẹmila nii.

Diuteronomi 23:11

ọ gha bu ẹghẹ ota, ọ ghi ya khuẹ, owẹn ghẹ ghi defua nẹ, ọ sẹtin dọlegbe gha die agọ.

Kọlose 2:16

Rhunmwuda ọnii, wa ghẹ ghi gie ọmwa rhọkpa gha yi uhi ne uwa, vbe ekpa ọghe emwi ne uwa gha re ra emwi ne uwa gha da, ra vbe emwi ne ọ dekan ẹdẹ iruemwi, ra ugie uki ọgbọn, ra Ẹdẹ Ikẹtin.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

Hibru 2:5

Rhunmwuda, Osanobua ma ya avbe odibo Osa ru ni khaemwisẹ yan agbọn ne ọ ra yi, agbọn ne ima kha na.

Hibru 6:2

Iruẹmwi vbe ekpa isamẹ kevbe obọ ne a viọ yan emwa uhunmwu, ọghe a huẹn eniwu kpaegbe kevbe ibuohiẹn etẹbitẹ.

Hibru 6:5

Emwi ne a ru ne iran miẹn, rhie maa iran wẹ, ẹmwẹ Osanobua maa, iran kevbe danmwẹ ghe vbe ẹtin ọghe ẹghẹ ne ọ dee.

Hibru 7:12

Rhunmwuda, a gha fiohan werriẹ, ẹghẹ nii, te a ghi vbe fi uhi werriẹ lele ẹe.

Hibru 7:16

Ẹ i re iyi kevbe emwamwa ọghe emwa ne agbọn ọre a lele ma ẹre ohẹn, ẹtin ọghe arrọọ ne ẹ i mwẹ ọfo, ọre ọ la ekpa ẹre khian ohẹn.

Hibru 9:1

Ile ne okaro mwẹ ilele ọghe vbene a ya ga hẹẹ, ọ vbe mwẹ ehe ne ọmwa ye obọ ru ne a na vbe ga.