Hibru 9:1 - Edo Bible (E Baibol Ẹdo) Version 1996

¹ Ile ne okaro mwẹ ilele ọghe vbene a ya ga hẹẹ, ọ vbe mwẹ ehe ne ọmwa ye obọ ru ne a na vbe ga.

Hibru 9:1 ပူးပေါင်းရင်းမြစ်များ

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ezikiẹl 43:11

Adeghẹ ekhue emwi ne iran ru mu iran, u ghi rhan otọ vbene a mwamwa Ọgua Osa na bọ hẹ ma iran vbene a mwaa rẹn hẹ, avbe ehe ne a la la rọ kevbe ehe ne a la ladian, vbene ọ khọe, vbene a mwamwa avbe emwi hia hẹ deba emwamwa kevbe ilele ni rrọọ. Gbẹnnẹ avbe emwi na hia yotọ ne iran miẹn ehe na miẹn vbene a mwamwa emwi hia hẹ, ne iran sẹtin gha ru vbene a kha re.

Levitikọs 18:30

E Nọyaẹnmwa ke kha wẹẹ, “Wa gha rhie owẹ lele ilele ne I rhie ne uwa, wa ghẹ yin uyinmwẹ avbe iran ni ka gha rre otọe nii khẹ uwa, wa ghẹ mu awua gie egbe uwa vbe ekpa ne uwa gha na ru avbe emwi na. Mẹ ọre Nọyaẹnmwa ne Osanobua rua.”

Levitikọs 22:9

“Avbe ohẹn hia ghi lele emwamwa ne I mu ye otọ. De ghẹ ẹ i re vberriọ iran gha rrie abe, a ghi vbe gbele iran an, rhunmwuda, iran rra uhi emwamwa ne ọ huanrẹn. Mẹ ọ re Nọyaẹnmwa, mẹ ọ re ọ vbe ya iran khian ne ọ huanrẹn.

Nọmbas 9:12

Iran ghẹ gie evbare rhọkpa kẹrre ne ọ ya ẹdẹgbe, iran ghẹ vbe guọghọ ugboloko rhọkpa ọghe aranmwẹ nii. Iran ghi ru emwiukpo Alagberra nii zẹ vbe ilele ni rrọọ hia.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

Hibru 8:13

Vbene ọ ghi na guan kan ile ọgbọn nian, Osanobua ye ne okaro khian ọwiẹyi nẹ. Emwi ne ọ ghi khian ọmaẹn nẹ ighẹ ọ vbe rẹnhuan nẹ, ẹ i ghi kpẹe a ke ho ẹre bẹkun.

Hibru 8:2

Rẹn mudia ye ukpo ogie ohẹn vbe Ehe Ne Ọ Huan Sẹẹ Ehia, ọnii nọ wẹ, vbe uwu Ọgua nọ gua nii, ne Nọyaẹnmwa tobọ ẹre bọe ighẹ ẹ i re ne ọmwa ne agbọn họe.

Hibru 8:7

Akpawẹ te ile ne okaro maa, a ghẹ ghi vbe gha gualọ ne ukpo ogieva.

Hibru 9:24

Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.