Hibru 8:9 - Edo Bible (E Baibol Ẹdo) Version 1996

⁹ Ẹ i ra ye vbe ile ne I gu erha iran ta, vbe ẹdẹ ne I rhie iran obọ su iran ladian vbe otọ Igipt. Iran ma mu ile ne I gu iran ta sẹ. Rhunmwuda ọnii, mẹ ma ghi zẹ ye iran re, erriọ Nọyaẹnmwa kha re.

Hibru 8:9 ပူးပေါင်းရင်းမြစ်များ

Gẹnẹsis 19:16

E Lọt keghi gha si uhe. Sokpan e Nọyaẹnmwa tohan rẹn, emwa nii keghi rhie ẹre obọ kevbe amwẹ ọnrẹn kevbe ivbi ẹre nikhuo eva, iran keghi hẹ iran ladian vbe ẹvbo nii, iran na sẹ iran rae ye evba.

Job 8:20

Sokpan Osanobua i he ọmwa ne ọ guobọ ẹre ye otọ, ra ne ọ ru iyobọ ne emwa dan.

Psalm 105:43

Erriọ ọre ọ na su avbe emwa rẹn, ne ọ hannọ zẹ ladian, iran so ihuan, iran kegha we uwemwẹ oghọghọ.

Psalm 77:20

U su emwa ruẹn gha khian zẹvbe ọsuohuan u keghi mu iwinna iran yan Mosis kevbe Errọn obọ.

Psalm 78:57

Sokpan iran sẹ ẹmwẹ ọnrẹn, iran ma guobọ ẹre, vbene avbe erha iran wa vbe ru, iran khian ne ẹ i gia mu ẹtin yan zẹvbe uhanbọ ne ọ gọe.

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Ẹksọdọs 34:10

E Nọyaẹnmwa keghi kha wẹẹ, “I gu uwa ta ile vbe sirra emwa uwa hia fẹẹrẹ. I gha winna iwinna nekhua egbe ne a ma he ka winna yi vbe agbọn na hia vbe ẹvboikẹvbo. Emwa ni guẹ rrọọ gha vbe miẹn emwi ne imẹ ne Nọyaẹnmwa gha sẹtin ru rhunmwuda emwi nọkhua ọre I ra ru nuẹn.

Ihuan Ne Ọ Sọọ Ihuan Hia 8:5

De ọmwa ne ọ ke uwu ẹgbo de na yi ne irẹn vbe enida ẹre gba rhie egbe obọ? Ototọ erhan otiẹn ọ re I na huẹn ruẹn vbe ehe ne a na biẹ ọọ.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 41:13

Mẹ ọrọre Nọyaẹnmwa, Osanobua ruẹ, I rhie iwegbe ne uwa, I keghi tama uwa wẹẹ, ‘Wa ghẹ mu ohan, I gha yi uwa obọ.’ ”

Aizaia 51:18

Ọmwa ne ọ gha su ẹ i ghi rrọọ, ọkpa i rrọọ vbe uwu avbe emwa ruẹn ne ọ gha rhie ruẹ obọ.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 31:32

Ẹ i ra gha ye vbe ile nẹdẹ ne I gu avbe erha iran odede ta, ẹghẹ ne I na rhie iran obọ, I na viọ iran ke otọ Igipt ladian. A gha rhe miẹn wẹ te I yevbe ọdọ ne iran, iran ma ru vbene ile ni khare.

Eve Orriara 4:16

E Nọyaẹnmwa i ghi zẹdẹ rre asa ọghe iran nii, rẹn ọ re ọ tobọ ẹre zagha iran an. Ọ ma ghi zẹdẹ zẹye avbe ohẹn kevbe ọkaolotu mwa ẹre.

Ezikiẹl 16:59

E Nọyaẹnmwa ne Udazi khare wẹẹ, “I gha ru uwẹ emwi ne ọ ma uwẹ. Rhunmwuda u yangbe eyan ne u yan rẹn, u ke mu ile ne a tae fua.

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.

Emọs 5:22

Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Malakai 2:13

Wa ghe emwi ọvbehe ne uwa vbe ru. Wa ye ameve uwa ro gue Ogiukpo Osanobua mu otọ, wa gha viẹ, wa gha kpe orhu eve rhunmwuda ighẹ e Nọyaẹnmwa i ghi rhan obọ miẹn emwi ne uwa ya ha oko gie ẹe.

Iyẹn ne ọ Maan Ọghe Mak 8:23

Jesu keghi rhie okpia ni obọ, ọ na rhie ẹre hin adesẹ ẹvbo rre. Ọ ghi tu asẹn ye ọre aro nẹ, Jesu viọ obọ yan rẹn, ọ nọ rẹn wẹẹ, “U bẹghe emwi rhọkpa ra?”

Iwinna 13:11

Obọ Nọyaẹnmwa ra vba ruẹ nian, u gha rhu aro, u i ghi ra bẹghe uwanmwẹ ẹdẹ ọ te sẹ ẹghẹ eso.” Vbe ọwarọkpa nii, Elimas ghi ghe ighogho amẹ nekhui rhu gue irẹn aro, ọ na gha bibi yo bibi rre gualọ ọmwa ne ọ gha rhie irẹn obọ.

Iwinna 7:36

Ọ keghi su ivbi Izrẹl ladian vbe Igipt, ọ winna iwinna ama kevbe ọyunnuan vbe Igipt kevbe Okun Ne ọ baa kevbe uwu ato vbe ukpo iyeva.

Iwinna 9:8

Sọl keghi kpaegbe vbe otọ, ọ na rhan aro a, sokpan ọ ma bẹghe emwi rhọkpa. Rhunmwuda ọnii, iran keghi rhie ẹre obọ, iran na rhie ẹre la Damaskọs.

Galatia 4:24

A sẹtin ye ọnii ru igiemwi, ikhuo eva na keghi gha re ile eva, ne ọkpa vbọ (ọnii nọ wẹ Hega) keghi ke uhunmwu oke Sainai rre, a keghi biẹlẹ ivbi ẹre eviẹn.

Diuteronomi 29:1

Enena ọrọre, ẹmwẹ ne a guan ye ile ne Nọyaẹnmwa tama Mosis ne ọ gu ivbi Izrẹl ta vbe ẹghẹ ne iran na gha rre otọe Moab. Te avbe rhie ọna te ile ne Nọyaẹnmwa iran ta vbe Oke Sainai.

Diuteronomi 29:12

Wa rre emwa na ẹrẹna ne uwa do gu Osanobua uwa ta ile na ne ọ ra gu uwa ta kevbe ne uwa vbe rhan obọ miẹn iwinna ne ọ sẹ uwa egbe vbo.

Diuteronomi 29:25

Ewanniẹn ọnrẹn ghi gha re wẹẹ, ‘Emwi ne ọ si ẹe ọrọre wẹ emwa e Nọyaẹnmwa keghi rra ile ne iran gu ẹe ta, rẹn ne Osanobua avbe erhan iran odede, vbe ẹghẹ ne ọ na viọ iran ke Igipt ladian.