Hibru 8:7 - Edo Bible (E Baibol Ẹdo) Version 1996

⁷ Akpawẹ te ile ne okaro maa, a ghẹ ghi vbe gha gualọ ne ukpo ogieva.

Hibru 8:7 ပူးပေါင်းရင်းမြစ်များ

Galatia 3:21

Te ọnii ghi rhie maa ra ighẹ nene Uhi gbe odan ye emwi ne Osanobua ve? Hiehiere. Rhunmwuda, akpawẹ Uhi ne a yi, ne ọ sẹtin rhie arrọọ ne ọmwa rrọọ, ẹghẹ nii, te a gha sẹtin la ekpa uhi gha ye ọmwa khian ne ọ mudia ẹse vbe odaro Osanobua.

Diuteronomi 29:14

Ẹ i re uwa ọkpa ọ re Nọyaẹnmwa gu ta ile na ke ẹe kevbe iwinna ne ọ dekan rẹn hia.

Hibru 7:11

Obọ uniẹn ivbi e Livai ni re ohẹn, ọre a la mu Uhi aghaeyihigbe ye otọ ne ivbi Izrẹl. Vbene ọ ghi ye na nian, akpawẹ te avbe ohẹn ne ivbi e Livai gbae fo, a i ghẹ ghi vbe wẹ ne a vbe dọlegbe rhie ohẹn ọvbehe ladian, ne ọ re uviẹn Mẹlkizẹdẹk, ne ẹ i re ọghe Errọn.

Hibru 7:18

Te a mu emwamwa nẹdẹ fua khekherriọ rhunmwuda wẹ, ẹ i mwẹ ẹtin, ẹ i vbe mwẹ esa ne ọ ye.

Hibru 8:6

Sokpan vbene ọ ye na, a mu iwinna ohẹn ne ọ kpọlọ sẹẹ ọ ghe iran ẹsẹse ne Jesu nẹ, zẹ vbene ile ne irẹn mwamwa ẹn ye ẹkpo Osanobua kevbe emwa ne agbọn, vbe maa sẹ, rhunmwuda, emwi ne a ve ne ọ vbe maa sẹ, ọre a hẹnhẹn ọẹn yan.