Hibru 8:5 - Edo Bible (E Baibol Ẹdo) Version 1996

⁵ Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”

Hibru 8:5 ပူးပေါင်းရင်းမြစ်များ

I Krọnikol 28:12

Ọ keghi vbe viọ ne ẹẹn ba ẹre ama emwamwa ọgua ni rrọọ zẹ vbene ọ rre irẹn ekhọe, kevbe avbe ugha ni lẹga iran, kevbe avbe aza ne a viọ emwi ne a lo vbe uwu Ọgua Osa yi deba aza emwi ne a ya fi ohan gie Nọyaẹnmwa.

I Krọnikol 28:19

E Devid ne Ọba keghi kha wẹẹ, “Avbe emwi na hia rre ama ne a gbẹn zẹ vbene Nọyaẹnmwa tobọ ẹre tae ma mwẹ ne I ru ẹe.”

Ẹksọdọs 25:40

U ghi gbe aro ke otọ ne u ru ẹe zẹ vbene a gie ma ruẹn vbe uhunmwu oke.

Ẹksọdọs 25:9

U ghi ru ehe ne a dia na kevbe emwi ne a ya te ẹre zẹ vbene I gie ẹre ma ruẹn.

Ẹksọdọs 26:30

Ọnii nọ wẹ te u ra wa bọ owa ukpọn nii zẹ vbe ne a mu ma ruẹn vbe uhunmwu oke.

Ẹksọdọs 27:8

U ghi ru aka nii ne ọ gha re ne ọ guokpo vbe uwu ẹre. Uhanhan ọre a gha ya ru ẹe. U ghi ru ẹe zẹ vbe egbe ne a mu ma ruẹn vbe uhunmwu oke.

Nọmbas 8:4

Igoru ne a ya umọmọ dunmwu ọre a ya ru ẹe ke otọ ya sẹ ukhunmwu vbene ọ ye ighẹ ne Nọyaẹnmwa mu ma Mosis.

Matiu 2:12

Osanobua keghi tama iran vbe imina wẹ ne iran ghẹ ghi van ọghe Hẹrọd, iran keghi la odẹ ọvbehe gha rrie.

Iwinna 7:44

“Avbe erha mwa odede ke okhogbo na ya ukpọn bọ nii ne ọ ye iran rre ighẹ Osanobua rre evba, ọre ogba gha rre uwu ato. Vbene Osanobua tama Mosis ne ọ bọ ẹe ọre ọ bọ ẹe, zẹ vbe ne ọ ye ighẹ ne a mu ne Mosis ghe.

Kọlose 2:17

Emwi na hia, aghọnghọn emwi ne ọ gha he rre iran khin, e Kristi ọrọre nene enakha vbe ẹmwata.

Hibru 10:1

Uhi avbe Ju i re ama ẹmwata ne ọ gbae, ne a ya gie nene emwi tobọ ẹre. Te ọ te ra ye vbe emwi ne ọ khọ uwa ne ọ dee kherhe. Ese ọkpa ni ọre a zọọ ẹdẹdẹmwẹdẹ, ke ukpo dinna ukpo. Vbe nene Uhi i ghi ra na sẹtin ya egbe zọ ese vbe nian ye emwa ni bu Osanobua rre khian ni gbae hẹ?

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 13:10

Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.

Hibru 9:9

Ọna keghi re ama emwi ne ya gie ẹghẹ na ye na. Ọ rhie maa wẹ, emwi imuohan kevbe avbe aranmwẹ ne a ya zọ ese ghe Osanobua, ẹ i sẹtin ye ekhọe emwa ni ga khian ne ọ gbae.

Jọsua 22:28

Iziro mwa nọ wẹẹ, ọ gha ye rriọ ẹdẹ ne akhuẹ, ivbi ma ghi sẹtin kha wẹẹ, ‘Ghe! Avbe erhamwa odede bọ aka zẹ vbene ọghe e Nọyaẹnmwa ye ẹ i re ne a ya ẹe gha giẹn ese ra ne a na zọ ese, sokpan zẹ vbe ama ne otu ima eveva.’

Arhie Maan 15:5

Vbe iyeke ọna, I keghi ya bẹghe vbe a kie urho Ọgua Osa ye otọ vbe ẹrinmwi, owa ne a ya ukpọn bọ, ọghe ne a ya rẹn ighẹ Osanobua rre evba, kegha rre uwu ẹre.