Hibru 8:4 - Edo Bible (E Baibol Ẹdo) Version 1996

⁴ Akpawẹ agbọn na ọre ọ ye, ẹ i ghẹ gha re ohẹn hiehiere, rhunmwuda wẹ, avbe ohẹn rrọọ ni ye emwi mu ohan, zẹ vbe vbene Uhi avbe Ju mwamwa ẹn.

Hibru 8:4 ပူးပေါင်းရင်းမြစ်များ

Nọmbas 16:40

Ọna kegha re ne ivbi Izrẹl gha miẹn wan wẹ ọmwa ne ẹ i re ovbi uniẹn ọghe Errọn ne ọ ghẹ gha rrie aka do gha giẹn eturari vbe odaro e Nọyaẹnmwa, ne a ghẹ vbe fuẹn ọnrẹn uan zẹ vbe Kora kevbe irogho ẹre. A keghi ru emwi na hia zẹ vbene Nọyaẹnmwa gie Mosis ne ọ tama Eliaza.

Nọmbas 18:5

Wẹ kevbe avbe ivbuẹ ọkpa ọre ọ gha winna iwinna ne ọ kan ruẹn vbe Ehe Ne ọ huanrẹn kevbe aka, ne ohu mwẹ ghẹ ghi werriegbe gua kpao ghe ivbi Izrẹl.

Hibru 10:11

Dọmwadẹ ohẹn avbe Ju, te ọ mudia winna iwinna rẹn ẹdẹgbegbe, ọ ghi vbe gha zọ ese ọkpa ni yan egbe yan egbe. Sokpan avbe izọese na i sẹtin kpe orukhọ kua.

Hibru 11:4

Iyayi ọre Ebel ya zọ ese ne ọ maa sẹ ọghe Ken ghe Osanobua. Rhunmwuda iyayi ẹre, ọre Osanobua na kae ye ọmwa ẹmwata, rhunmwuda Osanobua tobọ ẹre rhan ohọ miẹn emwi imuohan rẹn.

Hibru 5:1

Ogie Ohẹn ke ogie ohẹn, ọkpa vbe uwu emwa nii, ọre a na zẹ ọe ne ọ do gha ga Osanobua ne iran hia. Rẹn ghi gha yo imuohan, ọ ghi vbe gha zọ ese ye orukhọ.

Hibru 7:27

Rẹn i yevbe avbe igie ohẹn nekpa, ẹ i vbe ka zọ ese ye orukhọ obọ ẹre nẹ ẹdẹgbegbe, zẹ vbe emwi ne ẹ i mwẹ a ma ru, ọ keghi do zọ ye ọghe emwa nekpa. Ọ zẹ ese nẹ uhukpa nii, ne emwa hia, vbe ẹghẹ ne ọ na ye egbe ẹre zọ ese.

Hibru 8:3

Te a ma dọmwadẹ ogie ohẹn wẹ, ne ọ gha ya emwi mu ohan, kevbe ne ọ gha ya aranmwẹ zọ ese ghe Osanobua, rhunmwuda ọnii, te ogie ohẹn ọghomwa gha vbe mwẹ emwi ne ọ gha ya mu ohan.

Hibru 9:9

Ọna keghi re ama emwi ne ya gie ẹghẹ na ye na. Ọ rhie maa wẹ, emwi imuohan kevbe avbe aranmwẹ ne a ya zọ ese ghe Osanobua, ẹ i sẹtin ye ekhọe emwa ni ga khian ne ọ gbae.