Hibru 8:10 - Edo Bible (E Baibol Ẹdo) Version 1996

¹⁰ Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.

Hibru 8:10 ပူးပေါင်းရင်းမြစ်များ

Ẹksọdọs 24:4

E Mosis keghi gbẹnnẹ iyi ọghe Nọyaẹnmwa hia ye otọ. Owiẹ vbe ẹdẹ ne ọ lele ẹe, ọ keghi gba aka ye ototọ oke nii, ọ keghi vbe viọ okuta iyama iweva ye evba ne ẹwae iweva nii rre Izrẹl.

Ẹksọdọs 24:7

Ẹre ọna mu ebe ile, ọ na tie ẹre ladian ye emwa nii hia ehọ, iran na kha wẹẹ, “Ma gha ru zẹ vbe iyi hia ne Nọyaẹnmwa yi, ma gha họn ẹmwẹ nẹẹn,”

Ẹksọdọs 34:1

E Nọyaẹnmwa keghi tama e Mosis wẹẹ, “Ka Uhanhan okuta eva ni ye vbe nokaro nii, I gha vbe gbẹnnẹ avbe ẹmwẹ ni rre avbe uhanhan ne okaro ne u guọghọ ua yọ.

Ẹksọdọs 34:27

E Nọyaẹnmwa keghi tama e Mosis wẹẹ, “Gbẹnnẹ avbe ẹmwẹ na, rhunmwuda te imẹ ye avbe ẹmwẹ na gu uwẹ ta ile kevbe ivbi Izrẹl.”

Ihuan Ne Ọ Sọọ Ihuan Hia 2:16

Mẹ ọ re ọ yan enida mwẹ rẹn ọ re ọ yan mwẹ ọ koko avbe ohuan rẹn vbe uwu iyokho ẹzẹ.

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 31:1

E Nọyaẹnmwa khare wẹẹ, “Ẹghẹ dee ne I gha na gha re Osanobua ẹwae ne ọ rre Izrẹl hia, iran ghi vbe gha re emwa mwẹ.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Jerimaia 32:38

Ẹghẹ nii, iran ghi gha re emwa mwẹ, mẹ ghi vbe gha re Osanobua iran.

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Ezikiẹl 37:27

I gha gu iran gha rre evba, mẹ ghi gha re Osanobua iran, iran ghi gha re emwa mwẹ.

Ezikiẹl 39:22

Ivbi Izrẹl gha vbe rẹn ke ẹghẹ nii kpao ighe mẹ ọrọre Nọyaẹnmwa ne Osanobua iran.

Hozia 1:10

Ivbi Izrẹl gha do gha yevbe ikpẹ ekhae ni rre okun, iran ghi gha re ne a i sẹtin ka ra ne a mwa rẹn. Banbanna nian Osanobua tama iran wẹẹ, “Wa i re emwa mwẹ.” Sokpan, ẹdẹ dee ne ọ gha tama iran wẹẹ, “Wa ọrọre ivbi Osanobua ne ọ rrọọ!”

Hozia 2:23

I gha gbe emwa ẹkun sotọ vbe otọe nii, I ghi vbe gie agbọn maa iran, I gha ho ẹmwẹ emwa ne a te tie ẹre “Na ma ho ẹmwẹ ọnrẹn,” iran ne a te tae da wẹẹ, “Iran-ire-emwa-mwẹ.” I ghi kha wẹẹ, “Emwa-mwẹ-wa-khin.” Iran ghi vbe wanniẹn wẹẹ, “Wẹ ọrọre Osanobua mwa.”

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Zẹkaraia 8:8

I ghi vbe viọ iran ke odẹ ahọ kevbe orrie rre ne iran do gha rre Jerusalẹm. Iran ghi gha re emwa mwẹ mẹ ghi vbe gha re Osanobua iran. I ghi gha khaemwisẹ yan iran vbe ọghọ kevbe ute.

Matiu 22:32

‘Mẹ ọrọre Osanobua Ebraham, Osanobua Aizik kevbe Osanobua Jekọb!’ Ọ ni rhie maa wẹẹ Osanobua ọghe iran ni ma he wu nọ, ẹ i re ọghe ni wulo.”

Ebe ne Pọl gbẹẹn gie emwa Rom 11:27

I gha gu iran ta ile na, vbe I gha ghi rhie orukhọ iran hin rre nẹ.”

I Kọrinti 6:16

Ra wa ma rẹn ighẹ ọmwa ne ọ ku egbe ẹre kugbe ba igberagia ighẹ ọ ye egbe ẹre khian ọkpa ba ẹre nẹ? Ebe wa tae sẹsẹsẹ wẹ, “Iran eva ghi do gha re egbe ọkpa.”

II Kọrinti 3:3

Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 11:16

Sokpan, ẹvbo ne ọ maa sẹ ọnii ọre iran rhie aro yi, ẹvbo ẹrinmwi. Rhunmwuda ọnii, ekhue ẹre i mu Osanobua vbe ọ wẹ ne iran gha tie irẹn Osanobua iran, rhunmwuda, ọ rhie ẹvbo ye otọ khẹ iran nẹ.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.

I Pita 1:23

Rhunmwuda la ekpa ẹmwẹ Osanobua ne ọ rrọọ, kevbe ne ọ re ọghe ẹtẹbitẹ dọlọ uwa biẹlẹ nẹ, zẹ vbe ivbi evbibiẹ ọmwa ọkpa, ne ọ re ne ẹ i wu ighẹ ẹ i re ne ọ wu.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.